საზოგადოება

კვენტინ ტარანტინო დაინიშნა

ამერიკელი რეჟისორი და სცენარისტი კვენტინ ტარანტინო ებრაელ მომღერალ დანიელა პიკზე დაინიშნა. ამის შესახებ Daily Mail ისრაელის მედიაზე დაყრდნობით წერს. ეს 54 წლის რეჟისორის პირველი ქორწინება იქნება. გამოცემის ცნობით, თავის Facebook გვერდზე ტარანტინომ ის სტატიები მონიშნა, სადაც მის ნიშნობაზეა საუბარი. ამით რეჟისორმა ეს ინფორმაცია დაადასტურა.

ისრაელში ერთ-ერთმა ჟურნალმა 33 წლის დანიელა პიკის სიტყვები მოიშველია. „ეს მართალია, ჩვენ ძალიან ბედნიერები ვართ,“- ამბობს მომღერალი. კვენტინ ტარანტინომ მომღერალს ხელი 30 ივნისს ლოს-ანჯელესში თხოვა და ნიშნობის ბეჭედიც გაუკეთა.

წყვილმა ერთმანეთი 2009 წელს ისრაელში გაიცნო, სადაც ტარანტინო თავისი ფილმის წარდგენაზე იყო ჩასული. ამ შემთხვევიდან ორი კვირის შემდეგ მომღერალი რეჟისოტთან ერთად წითელ ხალიჩაზე გამოჩნდა. თუმცა ისინი მაშინ მალევე დაშორდნენ ერთმანეთს. 2016 წელს კი კვლავ შერიგდნენ.

კვენტინ ტარანტინომ მსოფლიო აღიარება 1994 წელს ფილმ „მაკულატურას“ გადაღების შემდეგ მოიპოვა. ამ ფილმმა რეჟისორს კანის კინოფესტივალის მთავარი პრიზი „ოქროს პალმის რტო“, „ოსკარი“ და „ოქროს გლობუსი“ მოუტანა.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close