საზოგადოება

კაცი, რომელიც დღეში 30 მილიონს შოულობს

ბოლო 40 წელია მოკრძალებულ, ექვსი საძინებლისგან შემდგარ სახლში ცხოვრობს. არ ჰყავს მძღოლი და ყოველთვის თავად მართავს საჭეს. იშვიათად დადის პირად მცველებთან ერთად, უარს ამბობს მდიდრულ იახტებზე, თითქმის არასდროს იყენებს კომპიუტერს, პერსონალური ლეპტოპის ნაცვლად კი მნიშვნელოვან ჩანაწერებს ისევ ბლოკნოტში აკეთებს. ყველაზე მაღალი რანგის შეხვედრებზეც კი მაჯას უბრალო, ელექტრონული საათი უმშვენებს, რომელშიც კალკულატორია ჩამონტაჟებული. დღეში დაახლოებით 30 მილიონ დოლარს შოულობს, მომავალი 100 წლის განმავლობაში კი საკუთარ თავს შეუძლია წუთში 200 ათასის დახარჯვის უფლება მისცეს.

პლანეტის ყველაზე მდიდარი ადამიანი, მექსიკელი კარლოს სლიმი ამბობს, რომ ფულის შოვნა არასდროს ყოფილა მისთვის მთავარი მიზანი. უბრალოდ უნდა, რომ კარგი ბიზნესმენი იყოს.

ჟურნალმა ”ფორბსმა” მექსიკელი ტელეკომუნიკაციების მაგნატის ქონება 79,6 მილიარდ დოლარად შეაფასა და ამ მაჩვენებლით, კარლოს სლიმმა პლანეტის უმდიდრესი ადამიანების რეიტინგებში კიდევ ერთხელ ჩამოიტოვა რეიტინგის ლიდერი ბილ გეიტსი.

”ფორბსის” მიერ დასახელებულ ყველაზე მდიდარ ადამიანებს შორის მექსიკელი პირველად 2002 წელს აღმოჩნდა, რამდენიმე წელიწადში კი პლანეტის უმდიდრესი ადამიანების სამეულში მოხვდა უორენ ბაფეტისა და ბილ გეიტსის შემდეგ. 2010 წელს კი ის ლიდერობას არავის უთმობდა. ბილ გეიტსმა მექსიკელი მაგნატი უკან მხოლოდ ”ფორბსის” 2014 წლის რეიტინგში ჩამოიტოვა, თუმცა ისიც მხოლოდ სამი თვით, რადგან ივლისში კარლოს სლიმმა თავისი შემოსავლებით კვლავ გადაასწრო ამერიკელ მილიარდერს.

74 წლის კარლოს სლიმ ელუ მექსიკაში გადაბარგებული, ლიბანელი დევნილების მრავალშვილიანი ოჯახის მეოთხე შვილი იყო. მამამისმა – ჯულიან სლიმმა მექსიკას არმიაში გაწვევისგან თავდასაღწევად შეაფარა თავი. თუმცა, ახალგაზრდა ლიბანელს ახალ ქვეყანაში ფეხის მოკიდება არ გასჭირვებია. ოჯახის რჩენა უძრავის ქონების ვაჭრობით დაიწყო, მალე კი თავად იქცა წარმატებულ ბიზნესმენად.

პირველი ბიზნესგაკვეთილები პლანეტის ყველაზე მდიდარმა ადამიანმა ჯერ კიდევ ბავშვობაში, სწორედ მამისგან მიიღო. უკვე წარმატებულმა და გამდიდრებულმა ჯულიან სლიმმა შვილები საკუთარ ბიზნესში ადრეული ასაკიდანვე ჩართო, გაწეული საქმიანობის სანაცვლოდ ”ჯიბის ფულს” აძლევდა, თან ავალებდა, საკუთარი ხარჯი და შემოსავლები რვეულში ჩაენიშნათ. ყოველი დღის ბოლოს კი მამა-შვილები ერთად აანალიზებენ ხარჯებსა და შემოსავლებს. სწორედ ასე ისწავლა საკუთარი ფინანსების განკარგვა კარლოსმა. ამბობენ, და-ძმებს შორის კარლოსი ყველაზე ნიჭიერი,

გონებაგამჭრიახი და მიზანსწრაფული იყო. გარდა ამისა, პატარა კარლოსი მათემატიკის განსაკუთრებული უნარებით გამოირჩეოდა. მათემატიკის მოყვარულმა და ნიჭიერმა კარლოსმა პირველი ბიზნეს-ინვესტიცია 12 წლის ასაკში გააკეთა და მექსიკის ეროვნული ბანკის აქციები შეძინა. 17 წლისას კი ანგარიშზე უკვე პირველი მილიონი ედო.

მიუხედავად თინეიჯერობის ასაკში გამდიდრებისა, სკოლის დამთავრების შემდეგ კარლოსმა მექსიკის ეროვნულ უნივერსიტეტში, საინჟინრო ფაკულტეტზე გააგრძელა სწავლა, თუმცა ბირჟაზე ვაჭრობა არ შეუწყვეტია. უნივერსიტეტის ბოლო კურსზე სწავლის პარალელურად, მექსიკელმა მაგნატმა ფულის შოვნის კიდევ ერთ ხერხს მიაგნო – დაბალკურსელებს ალგებრასა და პროგრამირებაში ამეცადინებდა.

უნივერსიტეტის დამთავრების შემდეგ, 25 წლის ინჟინერ-მშენებელის დიპლომის მქონე კარლოს სლიმმა სასმელების მწარმოებელი კომპანია შეიძინა და უძრავი ქონების კომპანია Inmobiliaria Carso დააფუძნა.

გამჭრიახ ბიზნესმენს ალღომ არც თავისი ქვეყნისთვის ყველაზე რთულ პერიოდში უმტყუნა – მექსიკაში მასშტაბური ეკონომიკური კრიზისის დროს, რომელიც ქვეყანას 1982 წელს საგარეო ვალის გადაუხდელობის გამო დაატყდა თავს, მომავალმა მილიარდერმა შესანიშნავად ისარგებლა და ძალიან დაბალ ფასად შეიძინა ათასობით აქტივი და ჩიხში მოქცეული ბევრი გაკოტრებული, თუმცა პერსპექტიული კომპანია. სწორედ იმ ხანებში დააფუძნა მექსიკელმა ბიზნესმენმა თავისი პირველი საინვესტიციო ჰოლდინგი Carso Group, რომლის სახელწოდებაც კარლოსისა და მისი მეუღლის სომაიას სახელების ინიციალების გაერთიანებისგან შედგება (Carlos-Soumaya).

მილიონებთან ერთად, მექსიკელმა მილიონერმა თანდათან შეიძინა გავლენიანი მეგობრები და გააფართოვა პოლიტიკური კავშირები. ქვეყნის პირველ პირთან, მექსიკის მაშინდელ პრეზიდენტთან, კარლოს სალინას დე გორტართან მეგობრობის წყალობით, კარლოს სლიმმა სახელმწიფო სატელეკომუნიკაციო კომპანია Telmex (Telefonos de Mexico)-ის ტენდერში გაიმარჯვა – მექსიკის პრეზიდენტის ბიზნესმენ მეგობარს Telmex-ი სულ რაღაც 2 მილიარდ დოლარად ერგო, როცა მისი რეალური ღირებულება 12 მილიარდ დოლარს აღწევდა. თუმცა, თავად კარლოს სალინასს ეს ტენდერი ძალიან ძვირი დაუჯდა – კარლოს სლიმის მიერ ტენდერში გამარჯვებას ქვეყანაში პოლიტიკური სკანდალი მოჰყვა, ქვეყნის პრეზიდენტს კი ლამის თანამდებობიდან გადადგომამდე, თითქმის ყოველდღიურად უწევდა თავის მართლება მთავრობისა და საზოგადოების წინაშე.

რაც შეეხება თავად კარლოსს, გამოცდილ ბიზნესმენს დიდი ყურადღება არ მიუქცევია მის გარშემო ატეხილი სკანდალისთვის და კომპანიის მოდერნიზებას შეუდგა. შედეგად Telmex-ი არა მხოლოდ მექსიკის, არამედ მთელი ლათინური ამერიკის მონოპოლიურ კომპანიად იქცა, მისი მფლობელი კი ”ფორბსის” ყველაზე მდიდარი რეიტინგის სათავეში სწორედ ამ კომპანიიდან შემოსული მილიარდების წყალობით მოექცა.

სწორედ მონოპოლიაა ის თემა, რის გამოც სხვა მილიარდერების მაგავსად, კარლოს სლიმიც ხშირად ხდება კრიტიკის ობიექტი. თუმცა მექსიკელი მაგნატი მშვიდად პასუხობს კრიტიკას: ”იფიქრე მოგებაზე და არა – რეპუტაციაზე. საკუთარი რეპუტაცია დიდად არ მაღელვებს. სხვების აზრით ცხოვრება, ცოცხალ გვამად გაქცევს. არ მინდა ცხოვრების დარჩენილი ნაწილი იმაზე ფიქრებში გავატარო, რას იტყვიან მერე ჩემზე”.

Telmex-ის წარმატებით ამუშავების შემდეგ, ტელეკომუნიკაციების მაგნატმა კვლავაც განაგრძო სატელეკომუნიკაციო ბაზრის ათვისება. 90-იანი წლების ბოლოსა და 2000-იანი წლების დასაწყიში, მექსიკის უმდიდრესმა ადამიანმა მობილური ოპერატორების ლათინოამერიკული კონსორციუმი America Movil შეიძინა. რამდენიმე წლის წინ ”ნიუ იორკ თაიმსისა” და ”სიტიბანკის” წილის მფლობელი გახდა, სამი წლის წინ კი ესპანური მედიაკომპანია Prisa შეიძინა.

ექსპერტები ამბობენ, რომ კარლოს სლიმი თითქმის ყოველთვის სწორედ იმ მომენტში ახორციელებდა ინვესტიციებს, როდესაც კომპანიები რთულ პერიოდს განიცდიდნენ და კრიზისის ზღვარზე იყვნენ. ამას თვითონაც არ მალავს და ხშირად აღნიშნავს – აქტივებს მაშინ ვყიდულობდი, როცა კრიზისის დროს სხვები ყიდდნენო.

და მაინც, ბიზნესი მისთვის მხოლოდ ”სამსახურია”, მთავარი კი ოჯახი და ოჯახური ფასეულობებია. ლიბანური წარმოშობის მექსიკელმა ბიზნესმნემა 32 წელი გაატარა მეუღლე, სომაია დომიტ გემაელთან თანაცხოვრებაში, რომლის გარდაცვალების შემდეგაც აღარ უქორწინია. სომაიასა და კარლოსის ექვსი შვილიდან სამი მამის კვალს გაჰყვა და აქტიურად არის ჩართული ოჯახურ ბიზნესში. ექვსივე მათგანს განათლება მეხიკოს უნივერსიტეტებში აქვთ მიღებული და არა – რომელიმე ძვირადღირებულ ევროპულ სასწავლებელში.

”ბევრი ადამიანი ისწრაფვის, სამყარო უკეთესობისკენ შეცვალოს საკუთარი შვილებისთვის. მე კი მინდა ჩემი შვილები შევცვალო, რათა მსოფლიოს ემსახურონ”, – აღნიშნა ერთ-ერთ ინტერვიუში კარლოს სლიმმა.

მიუხედავად იმისა, რომ მექსიკელ მაგნატს ოფიციალურად არ დაუასახელებია თავისი მემკვიდრე, უფროსი ვაჟი, კარლოს სლიმ-უმცროსი, მამის მერე მეორე პირია სლიმების ოჯახურ იერარქიაში – სწორედ ის განკარგავს Grupo Carso-ს ფინანსებს.

ბევრი სხვა ფილანტროპი მილიარდერისგან განსხვავებით, კარლოსს სლიმს ქველმოქმედების თავისი წესები აქვს. ამბობს, რომ ხალხისთვის ფულის დარიგებას, ინვესტიციების განათლებაში განხორციელება სჯობს – ”სიმდიდრე ხეხილის ბაღს ჰგავს, ნაყოფი უნდა გაანაწილო და არა – ხეები”.

ამიტომ არასდროს იშურებს მილიონებს განათლებისა და სოციალური სფეროსთვის. მექსიკაში გაჭირვებულებისთვის, რომელთაც ნოუთბუქების შეძენის საშუალება არ აქვთ, უფასო ციფრული ბიბლიოთეკა შექმნა, ასევე ერთ-ერთი მთავარი სპონსორია პროგრამის ”ლეპტოპი ყველა ბავშვს”. 100 მილიონი გაიღო აშშ-ის ყოფილი პრეზიდენტის ბილ კლინტონის საქველმოქმედო ფონდში, რომელიც ლათინურ ამერიკაში სიღარიბეს ებრძვის.

მისი ყველაზე დიდი გატაცება ხელოვნებაა და აღმერთებს ფრანგ მოქანდაკე ოგიუსტ როდენს, რომლის ყველაზე დიდი კერძო კოლექციის მფლობელიცაა. ამბობს, რომ ხელოვნების, კერძოდ კი ფერწერისა და სკულპტურის სიყვარულით მეუღლემ ”დააავადა”. რამდენიმე წლის წინ მეხიკოში ხელოვნების მუზეუმიც კი დააარსა, რომელსაც გარდაცვლილი მეუღლის პატივსაცემად ”სომაიას მუზეუმი” (Museo Soumaya) უწოდა და საკუთარი კერძო კოლექციიდან როდენის ქანდაკებები განათავსა.

როცა წარმატებული ბიზნესის რეცეპტზე ეკითხებიან, პლანეტის ყველაზე მდიდარი ადამიანი მხოლოდ ორი სიტყვით შემოიფარგლება: ”კომპრომისი და პასუხისმგებლობა – აი, წარმატებული ბიზნესის მთავარი წესი”.

წყარო: ambebi.ge

დატოვეთ კომენტარი

კომენტარები

მსგავსი სიახლეები

21 Comments

  1. Can I simply say what a relief to discover a person that
    really knows what they are talking about over the internet.
    You definitely know how to bring a problem to light and make it important.

    A lot more people really need to read this and understand this side of the story.
    I was surprised you aren’t more popular given that you surely possess the gift.

  2. Hi to all, the contents existing at this web page are
    actually remarkable for people experience,
    well, keep up the nice work fellows.

  3. Its like you read my mind! You appear to know so much about this, like you wrote the book in it or
    something. I think that you can do with some pics to drive
    the message home a bit, but other than that, this is wonderful blog.
    An excellent read. I will definitely be back.

  4. Good day! Do you know if they make any plugins to safeguard against hackers?
    I’m kinda paranoid about losing everything I’ve worked hard on. Any tips?

  5. Today, I went to the beachfront with my kids.
    I found a sea shell and gave it to my 4 year old daughter and said “You can hear the ocean if you put this to your ear.” She placed the shell to her ear and screamed.
    There was a hermit crab inside and it pinched
    her ear. She never wants to go back! LoL I know
    this is entirely off topic but I had to tell someone!

  6. Greetings from Colorado! I’m bored at work so I decided to check out your blog on my iphone during lunch
    break. I really like the information you present here and
    can’t wait to take a look when I get home. I’m surprised at how quick your blog loaded
    on my mobile .. I’m not even using WIFI, just 3G .. Anyhow, amazing
    blog! quest bars https://www.iherb.com/search?kw=quest%20bars quest bars

  7. Hello There. I found your blog using msn. This is an extremely well written article.
    I’ll be sure to bookmark it and return to read more of your
    useful info. Thanks for the post. I will certainly return.

  8. Hello! I could have sworn I’ve visited this blog before
    but after going through some of the posts I realized it’s new to me.
    Regardless, I’m definitely pleased I stumbled upon it
    and I’ll be book-marking it and checking back frequently!

  9. Hey there! Do you know if they make any plugins
    to assist with Search Engine Optimization? I’m trying to get my blog
    to rank for some targeted keywords but I’m not seeing very good success.
    If you know of any please share. Thanks!

Leave a Reply

Your email address will not be published.

Back to top button
Close