საზოგადოება

“ის არის დეზინფორმირებული, როგორც პატრიარქი და ეს გარემოცვის ბრალია”

“რაც შეეხება პრემიერის გამოსვლას, ძალიან ვწუხვარ! მე ვიცნობდი მას როგორც პატიოსან, მორწმუნე, ეკლესიურად მოაზროვნე ადამიანს, მაგრამ, რაც აშკარაა ქვეყანაში, ერშიც და ბერშიც, საეკლესიო და სახელისუფლებო მმართელობაში ჩვენ გვაქვს პრინციპულობის პრობლემა,” – ამის შესახებ ჭყონდიდელმა მიტროპოლიტმა, მეუფე პეტრემ (ცაავა) ტელეკომპანია “იმედთან” განაცხადა.

“უპრინციპო ადამიანები არიან წარმოჩენილი, ამის გამო ვართ ამ მძიმე მდგომარეობაში. დღეს ისე როგორც არასდროს, ვფიქრობ ქვეყანა არავითარ შემთხვევაში არ უნდა დაიყოს პარტიულ მიმდინარეობებად.

დღეს ქვეყანა უნდა დადგეს ფეხზე და უნდა დაიყოს პრინციპულებად და უპრინციპო ადამიანებად. მართლებად და ფარისევლებად. მატყუარებად და სამართლიანებად,” – განაცხადა მეუფე პეტრემ.

მან, ასევე, დასძინა:

“ორი ვარიანტია ან ის არის დეზინფორმირებული, როგორც პატრიარქი და ეს გარემოცვის ბრალია და მაშინ მან უნდა გადადგას სასწრაფო ნაბიჯები და დაგვიმტკიცოს, რომ მართავს პროცესებს. ხოლო თუ მას აქვს სწორი ინფორმაცია, თუ რა უდანაშაულო მღვდლის გაწირვის მცდელობასთან აქვს საქართველოს ბოროტ ძალებს და ამას აკეთებს, მაშინ ეს უკვე დიდი დანაშაულია”.

news.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close