საზოგადოება

ისრაელში მყოფ არალეგალ ქართველებს სამშობლოში ნებაყოფლობით დაბრუნება შეეძლებათ

საქართველოს მოქალაქეებს, რომლებიც ისრაელში არალეგალურად იმყოფებიან, ისრაელის მოსახლეობის, იმიგრაციისა და საზღვრის დაცვის სამსახური შესაძლებლობას აძლევთ, “ღირსეულად და ნებაყოფლობით დაბრუნდნენ სამშობლოში”.

აღნიშნულთან დაკავშირებით ისრაელის მოსახლეობის, იმიგრაციისა და საზღვრის დაცვის სამსახური და ისრაელის სახელმწიფოში საქართველოს საელჩო ერთობლივ განცხადებას ავრცელებენ, რომელიც ისრაელში საქართველოს საელჩოს ვებგვერდზე გამოქვეყნდა.

“ისრაელის მოსახლეობის, იმიგრაციისა და საზღვრის დაცვის სამსახური, საქართველოს საელჩოსთან ერთად, საქართველოს მოქალაქეებს, რომლებიც ისრაელში არალეგალურად იმყოფებიან ან თავშესაფარი მოითხოვეს და სურთ საქართველოში ნებაყოფლობით დაბრუნება, შესაძლებლობას აძლევს, ღირსეულად და ნებაყოფლობით დაბრუნდნენ სამშობლოში, რაშიც მათ შესაბამისი დახმარება გაეწევათ.

საქართველოში ნებაყოფლობით დაბრუნების მსურველმა მოქალაქეებმა ა.წ. 24 ივლისიდან 30 ოქტომბრამდე განცხადებით უნდა მიმართონ ისრაელის მოსახლეობის, იმიგრაციისა და საზღვრის დაცვის სამსახურს შემდეგ მისამართზე: მიცვა კადეშის ქუჩა #64, ბნეი ბრაკი, მოსახლეობის, იმიგრაციისა და საზღვრის დაცვის სამსახურის ნებაყოფლობითი დაბრუნების დეპარტამენტი, ან ინფორმაციის მისაღებად დაუკავშირდნენ საქართველოს საელჩოს ტელ.: 036093206, ელექტრონული ფოსტა: israel.cons@mfa.gov.ge

იმ მოქალაქეებს, ვინც აღნიშნული ერთობლივი ინიციატივის ფარგლებში ნებაყოფლობით დაბრუნდება საქართველოში:

– ისრაელის სახელმწიფოში შემოსვლაზე შეზღუდვა დაუწესდებათ მხოლოდ ერთი წლის ვადით, რომლის გასვლის შემდეგაც მათ შეეძლებათ, კვლავ ეწვიონ ისრაელს, როგორც ტურისტები, შესაბამისი ვიზით ან “შრომითი მიგრაციის შესახებ ხელშეკრულების” ფარგლებში მიღებული სპეციალური სამუშაო ვიზით, მას შემდეგ, რაც მხარეები მიაღწევენ შეთანხმებას და ხელს მოაწერენ აღნიშნულ ხელშეკრულებას;

– საქართველოში გასამგზავრებელი ავიაბილეთების ღირებულებას აუნაზღაურებთ ისრაელის მოსახლეობის, იმიგრაციისა და საზღვრის დაცვის სამსახური;

– მიეცემათ შესაძლებლობა, საქართველოში დაბრუნების შემდეგ ჩაერთონ რეინტეგრაციის პროგრამებში;

დამატებითი ინფორმაციისთვის დაუკავშირდით ისრაელის სახელმწიფოში საქართველოს საელჩოს საკონსულო სამსახურს, ტელ.: 036093206.

ისრაელში მცხოვრებ საქართველოს მოქალაქეებს მოგმართავთ თხოვნით, მაქსიმალურად შეუწყოთ ხელი ზემოხსენებული ინფორმაციის გავრცელებას საქართველოს დაინტერესებული მოქალაქეებისთვის”,- აღნიშნულია ერთობლივ განცხადებაში.

pia.ge

დატოვეთ კომენტარი

კომენტარები

მსგავსი სიახლეები

6 Comments

  1. 891675 105349Hello! I simply would like to give a huge thumbs up for the fantastic info youve here on this post. I may be coming back to your weblog for more soon. 948502

  2. Can I just now say exactly what a relief to uncover somebody who in fact knows what theyre dealing with online. You certainly learn how to bring a worry to light making it crucial. The diet need to check out this and can see this side of your story. I cant believe youre less well-known since you also undoubtedly have the gift.

Leave a Reply

Your email address will not be published.

Back to top button
Close