საინტერესო

ისრაელში, დაბომბვების შედეგად არიან გარდაცვლილები და დაშავებულები

ამ წუთებში დიდი სამხედრო ესკალაციაა ისრაელ-პალესტინას შორის.
რამდენიმე დღის წინ იერუსალიმში ალ-აქსარის მეჩეთთან მხარეთა შორის დაწყებული დაპირისპირებისა და ისრაელის მიერ პალესტინელთა დაკავებების შემდეგ ღაზას სექტორიდან ათეულობით რაკეტა იქნა გაშვებული ისრაელის მიმართულებით, რომელთა დიდი ნაწილი საჰაერო თავდაცვის სისტემა Iron Dome-მა გააუვნებელყო.
საპასუხოდ, ისრაელმა დაბომბა “ჰამასის” სამხედრო ობიექტები ღაზას სექტორში. განახლებული შეტაკებები მიმდინარეობს ალ-აქსარის მეჩეთთან და მდ. იორდანეს დასავლეთ სანაპიროზეც.
წინასწარი ინფორმაციით, დაბომბვების შედეგად არიან გარდაცვლილები და დაშავებულები.
ეგვიპტე ტრადიციულად შუამავლის როლის შესრულებას ცდილობს. თუმცა, ამ ეტაპზე არ ჩანს კონფლიქტის დეესკალაციის პერსპექტივა.
პირიქით, მხარეთა მიერ გაკეთებული განცხადებებიდან ჩანს, რომ ორივე მხარე ესკალაციისთვის ემზადება.
ცხელი გაზაფხული დადგა ახლო აღმოსავლეთში.
ფოტოზე ღაზას სექტორზე მიტანილი შეტევა.
ზურა ბატიაშვილი, აღმოსავლეთმცოდნე, პროფესორი

დატოვეთ კომენტარი

კომენტარები

მსგავსი სიახლეები

Back to top button
Close