საზოგადოება

ირაკლი კობახიძე ტვ იმედის ეთერში ოპოზიციის ლიდერებს თავს დაესხა

კობახიძის ვერდიქტი გუბაზ სანიკიძის, შალვა ნათელაშვილის, ელენე ხოშტარიასა და ბადრი ჯაფარიძის მიმართ

პარტია „ქართული ოცნების“ თავმჯდომარემ, ირაკლი კობახიძემ ტელეკომპანია „იმედის“ ეთერში

„ყველამ იცის, რომ გუბაზ სანიკიძე სააკაშვილის რუპორია, ის რაღაცებს სთხოვს, მერე ეს ახმოვანებს. ის სააკაშვილის როლის ხაზგასმას აკეთებს აღმატებით ხარისხში. ” „ანუ, გუბაზ სანიკიძე ტროას ცხენად შეგვიძლია განვიხილოთ?“– იკითხა ჟურნალისტმა, რაზედაც ირაკლი კობახიძემ უპასუხა, რომ „კი, გუბაზ სანიკიძე გაბარიტებითაც ჰგავს ტროას ცხენს“.

პარლამენტის წევრების – ბადრი ჯაფარიძის, შალვა ნათელაშვილის და ელენე ხოშტარიას სადეპუტატო უფლებამოსილების შეწყვეტის საკითხზე  ირაკლი კობახიძემ ვრცლად ისაუბრა.

„ვეცდები განვმარტო თითოეული შემთხვევა – ერთია ნათელაშვილის შემთხვევა, სადაც მას უწევს კონსტიტუციის მიხედვით უფლებამოსილების შეწყვეტა და ეს პარლამენტის დისკრეციული უფლებაა. თუ არ ვცდებით მას უკვე ორჯერ არ შევუწყვიტეთ უფლებამოსილება. პარლამენტი იღებს გადაწყვეტილებას, თუმცა კონკრეტული სამართლებრივი ნორმის საფუძველზე. სამართლებრივ ნორმაში წერია – თუ დეპუტატი აცდენს სესიის ნახევარზე მეტს, ამ შემთხვევაში მას უცდება უფლებამოსილება. მას აქვს გაცდენილი ყველა სხდომა. ანუ საფუძველი სამართლებრივი არის მოცემული, დანარჩენი არის პოლიტიკური გადაწყვეტილების საქმე.
რაც შეეხება ნათელაშვილის პარლამენტში ყოფნას, მე მგონია, რომ მან ყველანაირი მორალური უფლება დაკარგა, რომ იყოს წარმოდგენილი ამ პარლამენტში. მან ეს იცის და ახლა წამოიწყო შოუ. იცის მან, ომ მისი უფლებამოსილება 99%-ით იქნება შეწყვეტილი, შესაბამისად რაღაცა შოუ შემოგვთავაზა.
რაც შეეხება ელენე ხოშტარიას – მან არაერთხელ განაცხადა, რომ დეპუტატის მანდატი არ აინტერესებს, და ბევრი სხვა მიზეზიც არის რის გამოც, მე მგონია რომ მის მიმართ უფლებამოსილების შეწყვეტის საკითხის დადებითად გადაწყვეტა იქნება ლეგიტიმური.

მესამე არის ბადრი ჯაფარიძის საკითხი – ესაა განსხვავებული მოცემულობა: თუ იმ შემთხვევაში სესიის ნახევარზე მეტი ჰქონდა გაცდენილი ნათელაშვილს და ხოშტარიას, ბადრი ჯაფარიძის შემთხვევაში საფუძველი არის სისხლის სამართლის საქმე. ბრალი არის დადგენილი და ეს არის ძალიან მძიმე ბრალი. ხანდაზმულობა ამ კუთხით, მორალური თვალსაზრისით ბევრს არაფერს ცვლის. აქ მთავარი პრობლემა რა არის: როდესაც ადამიანი ჩადის დანაშაულს, ის ხდება რაღაცნაირად იძულებული, რომ დაუპირისპირდეს სისტემას. ამ სისტემაში შედის პარლამენტიც, სასამართლოც. ჩვენ ეს ვიხილეთ ბადრი ჯაფარიძის მაგალითზე, მას მოუწია ბრალის არ აღიარება. რა თქმა უნდა, პოლიტიკოსისთვის ძნელია თაღლითობის აღიარება. შესაბამისად ნაცვლად ეღიარებინა დანაშაული, დაუპირისპირდა სისტემას. ასეთ ვითარებაში, რა თქმა უნდა, პარლამენტს აქვს გადაწყვეტილება მისაღები და ყველა ფაქტორი იქნება მხედველობაში მიღებული“, – განაცხადა კობახიძემ.

კითხვაზე – რომ ეღიარებინა ბადრი ჯაფარიძეს ბრალი, თუ შეიცვლებოდა გადაწყვეტილების მიღებისას რამე, ირაკლი კობახიძე ასე პასუხობს:

„თავისთავად ბრალის აღიარება და შესაბამისად აღიარება სისტემის, ეს იქნებოდა ძალიან სერიოზული ფაქტორი გადაწყვეტილების მიღებისას“.

ირაკლი კობახიძის თავდასხმას ოპოზიციის ლიდერებზე ლეიბორისტული პარტიის თავმჯდომარე შალვა ნათელაშვილმა ფბ კომენტარით უპასუხა.

,,ნახეთ, მე დამიკარგია პარლამენტში ყოფნის მორალური უფლება და ამ ივანიშვილის უკანალზე ამოსულ ამორალურ ხორცმეტს, შეუნარჩუნებია. რას არ გაიგებს კაცი.ბედის დაცინვაა”- განაცხადა ნათელაშვილმა.

დატოვეთ კომენტარი

კომენტარები

მსგავსი სიახლეები

Back to top button
Close