24 წლის წარმატებული ნიჩბოსანი, ევროპის ჩემპიონი, ზაზა ნადირაძე, ჟურნალ „სარკესთან“ საუბრობს. ჟურნალისტმა მასთან ინტერვიუსას წამოჭრა ბოლო დღეების აქტუალური თემა, რომელიც ფეხბურთელ გურამ კაშიას უკავშირდება და ასეთი კითხვა დაუსვა მას:

დღეს ყველა ფეხბურთელი გურამ კაშიაზე ლაპარაკობს, რომელმაც ლგბტ თემის სოლიდარობის ნიშნად მათი სიმბოლოს გამომხატველი სამკლაური გაიკეთა, მას უეფა-მ ამ საქციელის გამო თანასწორობის ჯილდო გადასცა, თუმცა სამშობლოში საზოგადოების ნაწილმა ამ ნაბიჯისთვის შერისხა. იზიარებთ თუ არა მის სულისკვეთებას?

ზაზა ნადირაძე:

– გურამს არ ვიცნობ, მისი პირადი მოსაზრებები არ ვიცი. მე ჩემი დამოკიდებულება მაქვს, იმ სამაჯურს, თუ რაც არის, სიმბოლო, რაც ხელზე გაიკეთა, ცეცხლს წავუკიდებდი და დავწვავდი. ითხოვენ აქ ზედმეტ უფლებებს და თავზე გვასხდებიან. ავადმყოფები არიან და აჯობებს, იმკურნალონ! მე მხარს არ ვუჭერ მათ დროშას და არც მათ მომხრეებს.

– ამ წუთში თქვენ ჰომოფობიურ განცხადებას აკეთებთ და მზად იყავით, რომ ამას დიდი გამოხმაურება მოჰყვება.

– თუ დაწერთ, დააკონკრეტეთ, რომ სიძულვილის ენით არ ვსაუბრობ!

წყარო: presa.ge

დატოვეთ კომენტარი

კომენტარები