საზოგადოება

,,თქვენ მისამართი შეგეშალათ, ანუ, პასუხად ქალბატონ ნანა კაკაბაძეს!”

,,ჩვენს შორის ის განსხვავებაა, რომ ფანატიკოსი არასდროს ვყოფილვარ და არც „ხელმწიფის ნავში “ ჩავმჯდარვარ ოდესმე"

    თუ „ნაციონალების “ სისხლიან რეჟიმზე გაამახვილებ ყურადღებას ,„ნაციონალების“ ბრმა თუ ფანატიკური მხარდამჭერების აზრით, „ქოცმადიდებელი“ და ბნელი ხარ, ხოლო, თუ „ქართული ოცნებას“ ცივ ნიავს მიაკარებ, ბოღმიან-ღვარძლიანი და ვერ არჩევ მათ შორის განსხვავებას!
ხომ შეიძლება, ვარდისფერი სათვალეები გქონდეს მოხსნილი და ყველაფერს რეალურად ხედავდე და აფასებდე?!
ხომ შეიძლება, ბოლო ცხრა წელიწადში დადგმულ ბალ-მასკარადებს საკუთარი სახელი დაარქვა და მოსალოდნელი საშიშროებაც გაიაზრო?!
ხომ არ შეიძლება ყველა ერთნაირად ხედავდეს და აზროვნებდეს, მიუხედავად იმისა, ამისკენ მიჰყავთ ყველაფერი?
ნამდვილად ვერ წარმომედგინა, „ნაციონალების“ ფორმალური გაპანღურებიდან 9 წლის შემდეგაც მუსკულების დემონსტრირება დასჭირდებოდა დღევანდელ ხელისუფლებას, მითუმეტეს , კოვიდ პანდემიის ფონზე.
რას მოვაყოლე ახლა ეს?
გუშინ იუმორში გაზავებული ორსიტყვიანი სტატუსი დავდე:დღეს თბილისში კოვიდს სძინავს და არ გააღვიძოთ-მეთქი!
მართალია , ეს ხუმრობა იყო ჩემის მხრიდან, მაგრამ, ისეთ ხუმრობას რა ვუთხარი ნათქვამისა არ იყოს, მართლაც რა გვეაქციებოდა ამ გაგანია კოვიდის პირობებში?თუ ერთმანეთთან ორ მეტროზე მიახლოებას გვიკრძალავენ, როგორ შეიძლება ასეთი ფართომასსტაბიანი აქციის ჩატარება! ეს გეგმაზომიერი ავანტიურაა ინფიცირებულტა სტატისტიკის გააათმაგებლად თუ ბლეფია რასაც გვიჩიჩინებენ და უაზრო რეგულაციების ტყვეობაში ვართ?
„ქართული ოცნების “ მეორე ტურში გამარჯვება ხომ არ უნდა იყოს პირდაპირპროპორციული პანდემიის აფეთქების და მკაცრი რეგულაციების შემოღების, რომელიც სულიერად და ფინასურადაც დააჩაჩანაკებს ისედაც დაჩაჩანაკებულ საზოგადოებას?
მითუმეტეს, არანაირი საშიშროება არ არსებობდა „ნაციონალების“ აღზევების, რადგან, ხალხის მნიშვნელოვან ნაწილს, მათ შორის , ე.წ. „შუაშისტებსაც“ გააზრებული აქვთ , რას ნიშნავს , ფაშისტური რეჟიმის რეინკარნაცია და დარწმუნებულიც ვარ, ისინიც მივიდოდნენ არჩევნების მეორე ტურში , რომ რევანსის ახალი ტალღა არ აღმოცენდეს ქვეყანაში!!!
რა დავამტკიცეთ გუშინ ამ ფართომასშტაბიანი აქციით?
ის, რომ , „ქართულ ოცნებას “ „ნაციონალებზე“ მეტიმმხარდამჭერი ჰყავს და თუ ჭკუით არ იქნება, ცხვირ-პირს გავუერთიანებთ?
რა თქმა უნდა, რევანშის ყოველ გვარი ცდა თავიდან უნდა ავიცილოთ, მაგრამ, ეს ხელისუფლებამ უნდა გააკეთოს-მას ყოველგვარი ბერკეტები უჭირავს ხელში ამის გასაკეთებლად.
ისიც ხომ ფაქტია, რომ ყოველგვარი ანტიაქცია საზოგადოების კიდევ უფრო დაპირისპირებას და პოლარიზებას უწყობს ხელს?!
მე მაგალითად, ერთადერთი აქციის მომხრე ვიქნები, თუ ამ კოვიდპანდემიის პირობებში ეს შესაძლებელია:ვაიძულოთ ხელისუფლება გამოიყენოს სამართლებრივი ბერკეტები და გაასამართლოს „ნაციონალური რეჟიმი, როგორც დანაშაულებრივი პოლიტიკური სისტემა, რაც ამავდროულად პოლიტიკური ავანსცენიდან მათ გაქრობას გამოიწვევს.სხვაგვარად ჩვენ უხეირო ინსტრუმენტები ვართ ხელისუფლების ხელში და მსგავსი ბალმასკარადებით კიდევ უფრო ვღრღნით იმ „სხეულს“ , რომელსაც საქართველოს სახელმწიფო ჰქვია!
არ ვარ აგრესიული ოპონენტების მიმართ, მაგრამ, რბილად ნათქვამი თუ გამომივიდა, ვიტყვი: ძალიან უხერხულად და უადგილოდ მომეჩვენა ქალბატონ ნანა კაკაბაძის კომენტარი ზემოთხსენებულ სტატუსზე, რომ მე თითქოს კარგის დანახვის უნარი დავკარგე, რომ ცემს გონებას გამოფხიზლება სჭირდება, რომ ჩემში „ბოღმას , ღვარძლს და ქილიკს არ სძინავს“.მართალია პირდაპირ არ უკადრებია, მაგრამ, „ზოგზოგიერთებში“ მეც რომ მიგულისხმა, ცხადია,თუმცა, ამაზეც არ გაჩერდა-უკვირს, როგორ ეტევა ადამიანში ამდენი ბოროტება!
არა, ქალბატონო ნანა, არც შურიანი და ღვაძლიანი ვარ , არც ქილიკია ჩემი ადამიანებთან ურთიერთობის სტილი.რაც შეეხება ბოროტებას, მადლობა ღმერთს, საერთოდ თავისუფალი ვერ ამ საშინელებისგან .
ჩვენს შორის კი ის განსხვავებაა, რომ ფანატიკოსი არასდროს ვყოფილვარ და არც „ხელმწიფის ნავში “ ჩავმჯდარვარ ოდესმე.მადლობა უფალს, რეალობის ობიექტურად აღქმის და სეფასების უნარი აქამდე შემომრჩა!
კიდევ ბევრი რამის თქმა შეიძლება, მაგრამ, აქ გავჩერდები !
ზაურ ნაჭყებია, პუბლიცისტი

დატოვეთ კომენტარი

კომენტარები

მსგავსი სიახლეები

Back to top button
Close