საზოგადოება

თუ ფაქტები დადასტურდა, შესაძლოა საქართველოს ბანკი ლონდონის საფონდო ბირჟიდან გამოაძევონ

ახალგაზრდა ადვოკატები საქართველოს ბანკს ლონდონის საფონდო ბირჟაზე უჩივლებენ

არასამთავრობო ორგანიზაცია „ახალგაზრდა ადვოკატებმა“  შეაძლოა „საქართველოს ბანკს“ ლონდონის საფონდო ბირჟაზე უჩივლონ. აღნიშნულის შესახებ „ბ&ფ“-სთვის ექსკლუზიურად გახდა ცნობილი. როგორც ორგანიზაციის ხელმძღვანელმა არჩილ კაიკაციშვილმა ჩვენთან საუბარში დაადასტურა, წართმეული „ინტელექტბანკის“ საქმეზე მომზადებული კვლევის პრეზენტაციაზე, ორგაიზაციის სამართლის ჯგუფმა ყურადღებით მოისმინა ეკონომიკისა და სამართლის სფეროს ექსპერტების შეხედულებები, რომელიც საქმის ფაქტობრივ და სამართლებრივ გარემოებებთან შესაბამისობით მიუთითებს, რომ „ინტელქსტბანკის“ გასხვისების პროცესში „საქართველოს ბანკი“ თავიდანვე აღმოჩნდა ჩართული. საქართველოს ეროვნული ბანკის დახმარებით, აღნიშნულმა ბანკმა „ინტელექტბანკი“ 2006 წლის თებერვალში ფორმალური აუქციონის გზით სიმბოლურ ფასად, 1 ლარად შეიძინა.

„ჩვენ განვიხილავთ საკითხს „საქართველოს ბანკის“ მოქმედებების მართლზომიერების შესახებ და მისი კეთილსინდისიერი შემძენის სტატუსის თაობაზე. საქმეში უტყუარი მტკიცებულებებია, რომელიც ადასტურებს, რომ „ინტელექსტბბანკში“ სებ-ის დროებითი ადმინისტრაციის შესვლის თანავე და ფორმალური აუქციონის გამოცხადებამდე ბანკის მართვა ხელში აიღეს „საქართველოს ბანკის“ მესვეურებმა. შესაბამისად, საკითხი დგება „საქართველოს ბანკის“ კეთილსინდისიერი შემძენის სტატუსთან დაკავშირებით. კვლევის ფარგლებში, „საქართველოს ბანკიდან“ „ახალგაზრდა ადვოკატებს“ მიეწოდათ ინფორმაცია, რომ „ინტელექტბანკის“ საქმესთან დაკავშირებით ოფიციალური განცხადება, მხოლოდ საგამოძიებო მოქმედებების დასრულების შემდგომ გაკეთდებოდა. კვლევამ ძალიან ბევრი დეტალი წარმოაჩინა. ამიტომაც, ჩვენ საფუძვლიანად მივიჩნევთ, საზოგადოებამ იცოდეს მოქმედებდა თუ არა „საქართველოს ბანკი“ მართლზომიერების პრინციპის დაცვით, როდესაც „ინტელექტბანკის“ აქტივებს და პასივებს იძენდა.

სწორედ „ინტელექტბანკის“ შეძენის შემდგომ ქართულ საბანკო სისტემაში „საქართველოს ბანკმა“ ლიდერის სტატუსი უპირობოდ მოიპოვა. აღნიშნულზე თავად ბანკის 2007 წლის ანგარიშშიც ვრცლადაა საუბარი. სწორედ ამ შენაძენის შედეგად „საქართველოს ბანკმა“ ოპერირება დაიწყო ლონდონის საფონდო ბირჟაზე. ამიტომაც მართებულად დაისმის საკითხი, რის ფასად და რამდენად კეთილსინდისიერად?!

ჩვენ ამჟამად, ექსპერტულ წრეებთან კიდევ ერთხელ გავივლით აღნიშნულ საკითხს, რომელიც ლონდონის საფონდო ბირჟაზე ბანკის მიმართ საჩივრის წარდგენას უკავშირდება. გამორიცხული არაა, ფაქტების დადასტურების შედგომ „საქართველოს ბანკი“ ლონდონის საფონდო ბირჟიდან გამოაძევონ. ჩვენი თვითმიზანი კანონიერება და სამართლიანობაა. ჩვენ იურისტები ვართ და ჩვენი პროფესიული ვალდებულებაა შევაფასოთ ესა თუ ის მოქმედება არის კანონიერი თუ უკანონო“, – განაცხადა არჩილ კაიკაციშვილმა.

წყარო: postalioni.com

დატოვეთ კომენტარი

კომენტარები

მსგავსი სიახლეები

2 Comments

  1. 906337 84203You produced some decent points there. I looked on the internet for that issue and discovered many people is going together with with the internet internet site. 764306

Leave a Reply

Your email address will not be published.

Back to top button
Close