ძნელი საპოვნელია ადამიანი, რომელსაც არ უყვარს პიცა. სადღესასწაულო კერძებით დაღლილებს კი პირდაპირ გაგაცოცხლებთ უგემრიელესი, მადისაღმძვრელი პიცა. მაშ ასე, გთავაზობთ რეცეპტს, რომელსაც აუცილებლად საგულდაგულოდ დაიმახსოვრებთ და ამის შემდეგ პიცას მხოლოდ ამ წესებით მოამზადებთ. აღსაიშნავია, რომ ამ რეცეპრის უდავო უპირატესობა განსაკუთრებულ ცომში მდგომარეობს, რომელიც განსხვავებული და სასწაულად გემრიელია.
ინგრედიენტები:
კვერცხი -2 ც
მარგარინი – 150 გრ
მაწონი – 1 ქილა
სოდა – 1 ს/კ (არასავსე)
ძმარი – 1 ს/კ
სოკო _ ქამა 300 გრ
ძეხვი _ 350 გრ (სასურველია უხიმო)
ყველი – მოცარელა 400 გრ
კიტრის პიკული _ გემოვნებით
უკურკო ზეთის ხილი _ 1 ქილა
პომიდორი _ 3 ც (მწიფე)
ნიორი -2 კბილი
ხახვი – ნახევარი თავი
მარილი, პილპილი, ორეგანო -გემოვნებით
(ამ რაოდენობის ინგრედინეტებით გამოცხვება 2 დიდი პიცა)
მომზადების წესი:
თავდაპირველად, მარგარინი დადგით ქურაზე გასადნობად, პარალელურად ჯამში ათქვიფეთ კვერცხი, შემდეგ დაამატეთ სოდითა და ძმრით გაჯერებული მაწონი, განაგრძეთ თქვეფა, რამოდენიმე წამში დაუმატეთ გამდნარი მარგარინიც. ამის შემდეგ ნელ-ნელა დაამატეთ ფქვილი, რასაც შეიზელს. ცომი არ უნდა იყოს არც ძალიან ჩვილი და არც ზედმეტად მაგარი. მომზადებული მასა დაასვენეთ 20-25 წუთით, მანამდე კი დარჩენილი ინგრედიენტები დაჭერით სასურველ ზომებად და გახეხეთ ყველი.
პიცის სოუსი:
პომიდორს გააცალეთ კანი, გაათავისუფლეთ ზედმეტ წვენსა და თესლებისაგან, დაწურეთ და მოშუშეთ ზეითუნის ზეთში დაჭრილ ხახვთან და ნიორთან ერთად, მიღებული მასა სასურველია, დააბლენდეროთ , დაამატეთ მარილი, პილპილი და ორეგანო გემოვნებით.
ამის შემდეგ, ყველაფერი მზად გექნებათ პიცის ასაწყობად. ცომი გაყავთ 2 ნაწილად და გაარტყელეთ (ეცადეთ, ცომი თხელი გამოგივიდეთ), მოასხით სოუსი, კარგად გადაანაწილეთ და მოაწყვეთ დაჭრილი ინგრედინეტები ფენა-ფენა, ბოლოს მოაყარეთ ყველი და აცხვეთ წინასწარ 250 გრადუსზე გახურებულ ღუმელში 15-20 წუთით. ქვედა ცხობის რეჟიმით, ბოლო 3-4 წუთი კი აანთეთ მხოლოდ ზედა ცხობა.
