კრიტიკულია თურქეთში ავტოავარიის შედეგად დაშავებული მამაკაცის მდგომარეობა, რომელიც გირასუნის საავადმყოფოში ხელოვნური სუნთქვის აპარატზეა მიერთებული.

რამდენიმე წუთის წინ დაშავებულის ახლობლებს მკურნალი ექიმი შეხვდა. ოჯახის წევრები ამბობენ, რომ ექიმის განცხადებით, პაციენტის გადარჩენის შანსი თითქმის არ არსებობს. მას განუვითარდა ძლიერი სისხლჩაქცევები, აქედან გამომიმდნარე შესაძლებელია, უახლოეს პერიოდში იგი აპარატიდან გამორთონ.

დაახლოებით სამოცი წლის მამაკაცი, რომელიც ოპერატორია, ბულგარეთში ანსამბლთან ერთად მიემგზავრებოდა.

თურქეთში ავტობუსი, რომელსაც ქართული ცეკვის ანსამბლ „ლამპრების“  წევრები გადაჰყავდა, ავარიაში მოჰყვა.

საქართველოს საგარეო საქმეთა სამინისტროს ცნობით, ავტოსაგზაო შემთხვევა გირესუნის მახლობლად (120 კმ. ტრაპიზონიდან და 320 კმ. სარფიდან) მოხდა. 

ავარიის შედეგად 38 ადამიანი დაშავდა.

დატოვეთ კომენტარი

კომენტარები