საზოგადოება

თოვლი, წვიმა, ქარბუქი – საქართველოში 22 თებერვლიდან ამინდი გაუარესდება

სინოპტიკოსები საქართველოს მთელ ტერიტორიაზე ამინდის გაუარესებას პროგნოზირებენ. 22 თებერვლიდან ქვეყნის ტერიტორიის უმეტეს ნაწილზე მოსალოდნელია ძლიერი წვიმა, ზოგან ძლიერი ქარი.

როგორც “ნიუპოსტს” გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განუცხადა, ზოგიერთ რაიონებში ძლიერი წვიმა ხვალაც არის მოსალოდნელი.
ნიორაძე ამინდის კიდევ უფრო გაუარესებას 22 თებერვლიდან ელის. მისი თქმით, საქართველოს უმეტეს რაიონებში იწვიმებს, მაღალმთიან რაიონებში ითოვებს და მოსალოდნელია ქარბუქები.
წვიმასთან ერთად ნავარაუდებია ქარი გაძლიერდება. ზოგიერთ რაიონში ქარის სიჩქარე წამში 20-25 მეტრი იქნება.

ხვალ აღმოსავლეთ საქართველოში ბარში დღისით ჰაერის ტემპერატურა +5-10 გრადუსი იქნება. დასავლეთ საქართველოს დაბლობში _ 11-16 გრადუსი.
22 თებერვალს ჰაერის ტემპერატურა დასავლეთ საქართველოს დაბლობშიც დაიწევს და დღისით 5-10 გრადუსის ფარგლებში იქნება, აღმოსავლეთ საქართველოში ბარში კი – 7-12 გრადუსი.

ყინვაა ნავარაუდები აღმოსავლეთ საქართველოს ბარში. აქ ღამით -2:+3 გრადუსი დაფიქსირდება, დასავლეთ საქართველოს დაბლობში ღამით ტემპერატურა 0;+5 გრადუსი იქნება.

აღმოსავლეთ საქართველოს მაღალმთიან რაიონებში ღამით ყინვები შენარჩუნდება და საშუალოდ -8;-10 გრადუსის ფარგლებში იქნება.

წყარო: news.mcvane.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close