თბილისის მეტროპოლიტენის მემანქანეების ნაწილმა დღეს საპროტესტო აქცია გამართა. ისინი საათობრივი ანაზღაურების, კერძოდ, ხელზე ასაღები თანხის 7-დან 10 ლარამდე გაზრდას ითხოვენ. მემანქანეების წარმომადგენლის თქმით, ქვეყანაში გადასახადები გაიზარდა, მემანქანეებს კი, რომლებიც მძიმე სამუშაო პირობების გამო დამატებით სხვა სამუშაოს შესრულება არ შეუძლიათ, ფინანსური შემოსავლები იგივე დარჩათ:

„მემანქანეთა ხელფასი ყოველთვის მაღალანაზღაურებადი იყო, ბოლო წლებში კი ქვეყანაში არსებულ საშუალო ხელფასის ოდენობასთანაა გათანაბრებული. მეტროპოლიტენის ადმინისტრაციის მხრიდან შესრულდა ორი მოთხოვნა დანამატებთან დაკავშირებით, თუმცა ამას ხელფასის მოცულობის მნიშვნელოვანი ცვლილება არ გამოუწვევია.“- აცხადებს მემანქანეების წარმომადგენელი, დამოუკიდებელი პროფესიული კავშირ „ერთობა 2013“-ის თავმჯდომარე რატი კაპანაძე.

მისივე თქმით, კანონის თანახმად, მეტროპოლიტენის ადმინისტრაციასა და მათ შორის მოლაპარაკებები 21 დღეში უნდა დასრულდეს. კაპანაძის თქმით, თუ შეთანხმება ვერ შედგა, მემანქანეები გაიფიცებიან, რაც მეტროპილიტენის გაჩერებას გულისხმობს.

დატოვეთ კომენტარი

კომენტარები