საზოგადოება

თაფლობის თვე ჭიათურაში – როგორ ანებივრებდა ანი მიროტაძეს მომავალი მეუღლე – exclusive

“ეროვნული ფორუმის“  წევრი, ყოფილი პარლამენტარი, ანი მიროტაძე გათხოვდა. პოლიტიკოსის რჩეული 35 წლის სპორტსმენი, ყოფილი ფეხბურთელი,  დავით შეყილაძეა. წყვილმა ჭიათურაში არჩევნების პერიოდში გაიცნო ერთმანეთი და ახალ წელს ახალი ოჯახით შეხვდა. დღეს ანი თავად გვიამბობს ფეხბურთელისა და ჟურნალისტის სიყვარულის ამბავს.

– დათო ამ ზაფხულს გავიცანი, არჩევნებისთვის ვემზადებოდი. მოგეხსენებათ, კენჭს ვიყრიდი ჭიათურაში. ვხვდებოდი თანამოაზრეებს, ამომრჩევლებს, გუნდის წევრებს. აქვე დავაზუსტებ, რომ წარმოშობით მეც და დათოც ჭიათურიდან ვართ. იმ პერიოდში დათოც ჭიათურაში იყო და იქ მოხდა ჩვენი დაახლოება. ის ადამიანები, ვინც ფიქრობდნენ, რომ მხარი უნდა დაეჭირათ ჩემთვის, გაერთიანდნენ და ჩამოყალიბდა ძალიან ძლიერი გუნდი. ამ გუნდში იყო დათოც. შტაბში არ მუშაობდა, მაგრამ გვეხმარებოდა. საარჩევნო პერიოდში არავის სიყვარულისთვის არ ეცალა…

– მაგრამ მინიშნებები მაინც იქნებოდა…

– არაფერი ამდაგვარი არ ყოფილა. დათოს, ალბათ, უკვე ჰქონდა ემოციები და გრძნობები, მაგრამ არც მე და არც დათოს მაშინ ამისთვის არ გვეცალა. ძალიან მძიმე ორი თვე გამოვიარეთ ერთად. არჩევნების დასრულებიდან მესამე დღეს შევხვდით ერთმანეთს და იმ დღიდან ძალიან მნიშვნელოვანი სამი თვე გავატარეთ ერთად. აღმოვაჩინე, რომ ბიჭი, რომელსაც ამდენი ხნის განმავლობაში ვეძებდი, ის ყოფილა.

– რით გამოარჩიე სხვებისგან?

– ძალიან ძლიერი, მტკიცე ხასიათი აქვს. პრინციპულია, რაც ჩემთვის ძალიან მნიშვნელოვანია. მასაც, ისევე როგორც მე, ჰგონია, რომ მთავარი ამ ცხოვრებაში პრინციპებისა და ღირებულებების ერთგულებაა. უნდა იცოდე ფასი სიყვარულისაც, მეგობრობისაც, გამარჯვებისაც და დამარცხებასაც ღირსეულად უნდა შეხვდე.

– დამარცხება გადაწონა ამ სამმა თვემ?

– დათომ შეძლო და ეს გადამატანინა. ორივე მივხვდით, რომ ცხოვრება გრძელდება და წინ ძალიან ბევრი კარგი რამ არის… რომ უფრო მნიშვნელოვანი რაღაცებიც არსებობს. დავინახე, რომ ჩემ ირგვლივ არსებობენ ძლიერი, ღირსეული, პრინციპული ადამიანები. იმდენად ძლიერები, რომ შეუძლიათ, შენთვის მნიშვნელოვანი გადაწყვეტილების მიღება, კარგი გაგებით, გაიძულონ. დათომ გადაწყვეტილების მიღება მაიძულა.

– ორივესთვის პირველი ქორწინებაა, როგორც ვიცი.

– ასეა ნამდვილად. დათო 35 წლის არის, სპორტსმენია. მრავალფეროვანია მისი საფეხბურთო კარიერა. საქართველოს გარდა, თამაშობდა თურქეთში, ბაქოში, აზერბაიჯანში. ოღონდ დეტალები არ მკითხო, მე და ფეხბურთი ვერ ვმეგობრობთ.

– როგორ შეეგუა ამ ამბავს?

– კარგად. მასაც არ აქვს მოთხოვნილება, პოლიტიკაში იყოს ბოლომდე გარკვეული. ასე ვავსებთ ერთმანეთს. ორი ექსპერტი ვართ ოჯახში, პოლიტიკისა და ფეხბურთის. თუმცა არ გამორიცხოთ, რომ რომელიმე ევროპულ სტადიონზე დათოსთან ერთად აღმოვჩნდე მნიშვნელოვან მატჩზე.

– ყველაზე საინტერესო არ მომიყევი, რომანტიკული ამბები…

– მე არ მიყვარს ყვავილები, ეს იცის დათომ და არ გამოუყენებია. დანარჩენი იყო ყველაფერი. მაგალითად, ტელეფონზე საუბრის შემდეგ 10 წუთში იყო იქ, სადაც ვიყავი. რომ ვეკითხებოდი, რატომ მოვიდა, მეუბნებოდა, რომ  ჩემი ხმა არ მოეწონა.

– რა იყო მთავარი სიურპრიზი, რომელმაც გაგაოცა?

– ხშირ შემთხვევაში მამაკაცები გაურბიან, ეშინიათ ძლიერი, წარმატებული ქალების. მთავარი სიურპრიზი სწორედ ის იყო, რომ დათო ჩემზე ძლიერი აღმოჩნდა.

– როგორ გაიძულა გადაწყვეტილების მიღება?

– ვგეგმავდით, რომ საბოლოოდ ჩვენ ამ გადაწყვეტილებას მივიღებდით. მას უნდოდა, რომ ახალ წელს ერთად, ახალი ოჯახით შევხვედროდით და პირდაპირ დააყენა საკითხი ასე. ჩვენ უნდა შევქმნათ ახალი ოჯახიო.

– სად შეხვდით ახალ წელს?

– ჭიათურაში, დათოს დედასთან ერთად. შობაც აქ გავატარეთ. ორშაბათს უკვე დავუბრუნდებით დედაქალაქს. საქორწინო მოგზაურობასავით გამოგვივიდა. ვაპირებთ მოგზაურობას უცხოეთშიც.

– ქორწილი და დოლ-გარმონი არ იქნება?

– ზუსტად ვიცი, რომ იქნება ჯვრისწერა, ჯერჯერობით სტუმრების სია საბოლოოდ არ შეგვიდგენია, მაგრამ დოლ-გარმონი და 500-კაციანი ქორწილი არ იქნება.

– თეთრი კაბა?

– ვნახოთ, ამაზე ერთად შევთანხმდებით.

– ბედნიერებას გისურვებთ.

– დიდი მადლობა. ვისარგებლებ შემთხვევით და საქართველოს შობა-ახალ წელს მივულოცავ.

ნინო მჭედლიშვილი

„პრაიმტაიმი“

დატოვეთ კომენტარი

კომენტარები

მსგავსი სიახლეები

7 Comments

  1. 700141 71701The book is great, but this review is not exactly spot-on. Being a Superhero is far more about selecting foods that heal your body, not just eating meat/dairy-free. Processed foods like those mentioned in this review arent what Alicia is trying to promote. In the event you arent open to sea vegetables (and yes, Im talking sea weed), just stop at vegan. 639846

  2. There are incredibly plenty of details that way to take into consideration. It really is a excellent examine talk about. I provide thoughts above as general inspiration but clearly you’ll find questions like the one you start up the place that the most essential factor will likely be getting work done in honest excellent faith. I don?t determine if guidelines have emerged around stuff like that, but I am certain your job is clearly labeled as an affordable game. Both children notice the impact of simply a moment’s pleasure, for the rest of their lives.

  3. you are actually a just right webmaster. The site loading pace is incredible. It kind of feels that you are doing any distinctive trick. In addition, The contents are masterpiece. you’ve done a great process on this topic!

Leave a Reply

Your email address will not be published.

Back to top button
Close