თამაზ ელიზბარაშვილი: ,,ყაზტრანსგაზი“ მკვლელი ორგანიზაციაა
ძაღლთა თავშესაფრის მეპატრონემ და ბიზნესმენმა თამაზ ელიზბარაშვილმა კომპანია ,,ყაზტრანსგაზ-თბილისს“ რამდენიმე თვის წინ მიმართა, რათა გაზი შეეყვანა კაიროს ქუჩის 9 ნომერში, თავშესაფარის ტერიტორიაზე. მან ყველა გადასახადი დროზე ადრე გადაიხადა, აღნიშნული კომპანია კი არ ასრულებს დაკისრებულ მოვალეობას. დროში გაწელა შემოყვანის პროცესი და სამი დღის წინ, როგორც იქნა, გაზის მილები თავშესაფრამდე მოიყვანა, მაგრამ გაზი ამ დრომდე არაა ჩართული.
გამოგვიცხადეს, რომ ეს ფორმალობაა და ერთი თვის შემდეგ ჩაგვირთავენ გაზს.
ამასობაში კი თავშესაფარში ეპიდემია გავრცელდება და ჩვენ მიერ გადარჩენილ ძაღლების სიცოცხლეს საფრთხე დაემუქრება. რამდენიმე ლეკვი უკვე გაგვიცივდა.
არა მხოლოდ ძაღლების, ადამიანების სიცოცხლეც საფრთხის ქვეშაა.
ბატონი თამაზ ელიზბარაშვილი მოსახლეობას ფეისბუქგვერდის საშუალებით მიმართავს:
,,ყაზტრანსგაზი“ მკვლელი ორგანიზაციაა და მას არაფრად უღირს თითოეული ჩვენი მოქალაქის სიცოცხლე. თავშესაფარში მხოლოდ ძაღლები არ იმყოფებიან, აქ არიან მათი მომვლელებიც. ამ ადამიანებს გათბობა ესაჭიროებათ. ეს კი ამ ყაჩაღ და ბიუროკრატიულ კომპანიას არ აინტერესებს. ეს ყველამ უნდა იცოდეს!
,,ყაზტრანსგაზის” ხელმძღვანელობა მხოლოდ იმისკენ არის ორიენტირებული, რომ ჯიბეში ჩაიდოს ფული. ჩემი მხრიდან რაც გასაკეთებელი და გადასახდელი იყო დროზე ადრე გადავიხადე. ახლა ვიგებ, რომ თურმე კიდევ ერთი თვე ვერ ჩართავენ გაზს. მაშინ, როცა მილები თავშესაფრის კარამდეა მოყვანილი.
კითხვით მივმართავ ,,ყაზტრანსგაზს“: შეგნებულად მიკეთებს ამას, თუ რაშია საქმე?“
