პოლიტიკა

,,ვიცე-სპიკერის პრივილეგიების გარეშეც შემიძლია გავაკეთო ის, რის გაკეთებასაც ვაპირებ…”

,,მე უარი ვთქვი სატელეფონო თანხაზე..."

,,პარლამენტის ვიცე სპიკერს ეკუთვის:
1. სახელმწიფო ავტომანქანა
2. დაცვა
3. 700 ლიტრი ბენზინი
4. რამდენიმე ასეული ლარი სატელეფონო თანხა.
ლევანმა, რა თქმა უნდა, ამ პრივილეგიებზე უარი თქვა! შეგიძლიათ ნებისმიერმა გადაამოწმოთ ეს. მე, როგორც რიგითმა დეპუტატმა მხოლოდ სატელეფონო თანხაზე ვთქვი უარი, სხვა ფუფუნება არც მეკუთვნოდა. ასე, რომ გვინდა იცოდეთ – ჩვენ პარლამენტში ხალხის სამსახურისთვის ვართ და არა პრივილეგიებისთვის!!!” _ აცხადებს პარლამენტის წევრი ალექსანდრე ელისაშვილი.

 იგივეს აცხადებს „მოქალაქეების“ ერთ-ერთი ლიდერი, დეპუტატი ლევან იოსელიანი და  პარლამენტის ვიცე-სპიკერის თანამდებობისთვის განკუთვნილ პრივილეგიებზე უარს ამბობს.

„ვიცე-სპიკერობა არ არის ის, რის გამოც მე პარლამენტში შევედი. როდესაც ოპოზიციით კვოტით გვერგო ეს თანამდებობა და დავინახე, რამდენი პრივილეგია მოყვება ამ პოსტს, მაგალითად: მძღოლი და მანქანა, მივხვდი, რომ ეს ყველაფერი მე არ მჭირდება. ამისთვის არ მივსულვარ იქ და ამის გარეშეც შემიძლია გავაკეთო ის, რის გაკეთებასაც ვაპირებ. პრივილეგიებით სარგებლობას არ ვაპირებ. არ ვაპირებ, რომ ეს ყველაფერი გამოვიყენო. ამ ქვეყანაში, სადაც უამრავი პრობლემაა და ადამიანები შიმშილის ზღვარზე არიან, ჩემი პრივილეგიებით სარგებლობა უხერხულობა იქნება. მე ვცხოვრობ საბურთალოზე, იმისთვის, რომ მივიდე რუსთაველზე, არ მჭირდება მანქანა და მძღოლი. მე თვითონაც ვმართავ მანქანას. მყავს სკუტერიც და თქვენ წარმოიდგინეთ ცხენიც კი. ასე რომ, ყველგან შემიძლია მივიდე სახელმწიფოს დახმარების გარეშე“, – განაცხადა იოსელიანმა.

 

 

დატოვეთ კომენტარი

კომენტარები

მსგავსი სიახლეები

Back to top button
Close