საინტერესო

ვის რგებს და ვის ვნებს გაღივებული ხორბალი?

ხორბლის მარცვლების გაღივებისას მათში იზრდება შემცველობა ყველა იმ სასარგებლო ნივთიერებისა, რომელიც კეთილისმყოფელ გავლენას ახდენს ადამიანის ორგანიზმზე. კერძოდ, ხორბლის გაღივებული მარცვლები მდიდარია E და D ჯგუფის ვიტამინებით, ასევე კალიუმით, რკინითა და ფოსფორით. აღნიშული პროდუქტის რეგულარულად გამოყენებისას ორგანიზმში ნივთიერებათა ცვლა ბალანსდება, გამოიდევნება წიდები და ტოქსინები.

ამ კონკრეტული მიზნებისათვის დაწყებული დიეტის დროს აუცილებელია იმის ცოდნა, როგორ უნდა მიირთვათ გაღივებული ხორბალი. მისი მიღება მცირე ულუფით უნდა დაიწყოთ. ჭარბად მიღებამ შესაძლოა საჭმლის მონელების დარღვევა გამოიწვიოს. აუცილებელია ამ პროდუქტის მიღება დღის პირველ ნახევარში. საღამო
ხანს, მით უფრო, დიდი რაოდენობით მიღებულმა ხორბლის ღივმა, შესაძლოა ძილის დარღვევის პროვოცირება მოახდინოს.

გაღივებული ხორბალი შეგიძლიათ მიირთვათ როგორც სხვადასხვა კერძთან შერეული, ასევე ცალკე პროდუქტის სახით. ცალკე მიღების შემთხვევაში საწყისი ულუფა ერთ ჩაის კოვზს არ უნდა აღემატებოდეს და კარგად უნდა დაიღეჭოს.

მიუხედავად მრავალი სასარგებლო ეფექტისა, გაღივებული ხორბლის მიღებასაც აქვს თავისი უკუჩვენება. ამ პროდუქტის მიღება არარეკომენდებულია კუჭის წყლულოვანი პათოლოგიით დაავადებულთათვის, 12 წლამდე ასაკის ბავშვებისა და იმ პირებისათვის, რომლებსაც გლუტეინზე ალერგია აღენიშნებათ.

 

წყარო: mkurnali.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close