საზოგადოება

ვის რა თანამდებობას პირდება ცეზარ ჩოჩელი?

მცხეთის დამოუკიდებელი მაჟორიტარი დეპუტატობის კანდიდატის ცეზარ ჩოჩელის ირგვლივ, ჩვენს მიერ მოპოვებული ინფორმაციით, ნაციონალური მოძრაობის მცხეთის ყოფილი მაღალჩინოსნები არიან შეკრებილნი. ისინი, ვინც 4 წლის მანძილზე არსად არ ფიგურირებდნენ და ამის მიზეზად მაჟორიტარი დეპუტატის დიმიტრი ხუნდაძის მიერ მცხეთაში გატარებულ მკაცრ ოცნებისეულ პოლიტიკას ასახელებენ. ბუნებრივია, არჩევნები დაპირებების თემაა და ჩვენც ერთი თვის მანძილზე ვცდილობდით მოგვეპოვებინა ინფორმაცია იმის შესახებ, იქნებოდნენ თუ არა ყოფილი ნაციონალები ჩოჩელის სიაში და ვის რა თანამდებობას ჰპირდება ყოფილი გუბერნატორი გამარჯვების შემთხვევაში? ჩვენი ინფორმაციის წაყარო კომპანია „ზედაზენის“ მაღალი თანამდებობის პირია, რომელსაც მისივე ინტერესებიდან გამომდინარე, არ ვასახელებთ. მისი ინფორმაციით, ეს სია სწორედ კომპანიის სათაო ოფისში შედგა და ჩამოთვლილ ნუსხას ხელს აწერს თავად ცეზარ ჩოჩელი. ქალაქ მცხეთისა და მცხეთის რაიონის მომავალი ხელმძღვანელების სია კი თურმე ასე გამოიყურება: ქალაქის მერი – თემურ აბაშიძე ვიცე-მერი – ირაკლი ბერიაშვილი მერის მოადგილე – ლევან შერმადინი ქალაქის საკრებულოს თავმჯდომარე – ანდრო კალანდაძე რაიონის გამგებელი – გივი ამირხანაშვილი გამგებლის პირველი მოადგილე – გურამ ანსიანი გამგებლის მეორე მოადგილე – ვახტანგ ყიფშიძე თემის საკრებულოს თავმჯდომარე – ზაურ ღვინიაშვილი გარდა ამ სიისა, ცეზარ ჩოჩელს ასევე მისი ხელმოწერით, შედგენილი ჰქონია ორივე საკრებულოს მომავალი დეპუტატების და სოფლის რწმუნებულების სიაც. ჯერჯერობით ეს სია ვერ მოვიპოვეთ, თუმცა, ცნობილია ის, რომ მცხეთის რაიონის რწმუნებულები, გარდა ერთისა, ჩოჩელის მომავალი რწმუნებულების სიაში არ არიან.

დატოვეთ კომენტარი

კომენტარები

მსგავსი სიახლეები

2 Comments

Leave a Reply

Your email address will not be published.

Back to top button
Close