საზოგადოება

ვინ არის „სნოს“ 100%-იანი წილის მფლობელი

10 თებერვალს მაღალი იერარქიის სასულიერო პირის მკვლელობის მომზადების ბრალდებით დაკავებული დეკანოზის გიორგი მამალაძის წერილის შესახებ, რომლის ავთენტურობა ამ დრომდე არ არის დადგენილი, წყლის კომპანია „სნოში“ კომენტარს არ აკეთებენ.
საუბარია, ტელეკომპანია „რუსთავი2“-ის 13 თებერვალს გავრცელებულ წერილზე, რომელიც ტელეკომპანიის ცნობით, სავარაუდოდ, დეკანოზმა გიორგი მამალაძემ პატრიარქს რამდენიმე თვის წინ მისწერა.

წერილში საუბარია საპატრიარქოს შიგნით და მის გარეთ, ეკლესიების ქონებასა და ამ თვალსაზრისით არსებულ პრობლემებზე. ერთ-ერთი კომპანია, რომელთან დაკავშირებით მომხდარ უკანონო გარიგებებზეც დეკანოზი მედიაში გავრცელებულ წერილში საუბრობს – წყლის კომპანია „სნოა“.

„ამას დაემატა სნოს წყლის საკითხიც, რომელიც ასევე ბუნდოვანია, რომელშიც გარკვევა უშუალოდ თქვენმა უწმინდესობამ დამავალა. მოგეხსენებათ სნოს წყალი შეიქმნა 50-50% მონაწილეობით საპატრიარქოსა და ვ. ლიპარტიანის მონაწილეობით. მოგვიანებით 25 მლნ. საწარმოს 30 პროცენტი გასხვისდა 150 ლარად (იმ პირობით, რომ 3 თვეში ის ისევ საპატრიარქოს დაუბრუნდებოდა), მაგრამ გასული წლების მიუხედავად ქონება არ დაბრუნდა…. უწმინდესის დავალებით მოვითხოვეთ კუთვნილი 30% მაგრამ ამაოდ, რის შემდეგაც უწმინდესის გადაწყვეტილებით.

დარჩენილი 20% უსასყიდლოდ გადაეცა დანარჩენი 80%-ის მფლობელს. მაგრამ საზოგადოებისთვის სნოს წყალი ისევ ეკლესიის საკუთრებად რჩება, რადგან ზუსტად 1 წელია, გასხვისების მიუხედავად, საპატრიარქომ არ გააკეთა განცხადება დღეს არსებული 100% წილის მფლობელთა გულის მოსაგებად. ამ საკითხშიც ნათლად ჩანს უკანონო გარიგების ფაქტები,“- ნათქვამია წერილში.

როგორც „სნოში“ „ბიზნესპრესნიუსს“ განუცხადეს, აღნიშნულზე კომენტარის გაკეთებას არ აპირებენ.
„სნოს“ წყალს კომპანია „აქვა გეო“ აწარმოებს, რომელიც 2009 წელს შეიქმნა. საჯარო რეესტრის 2010 წლის 14 იანვრის მონაცემებით, კომპანიის 50%-50%-იან წილებს საქართველოს საპატრიარქო და ვახტანგ ლიპარტიანი ფლობდნენ. 2010 წლის 16 აპრილის მონაცემებით კი, ვახტანგ ლიპარტიანი კომპანიის 80%-იანი წილის მფლობელია, 20%-იან წილს კი კვლავინდებურად საპატრიარქო ფლობს. ამ პერიოდის განმავლობაში კომპანიის დირექტორის პოსტს დავით გიგაია იკავებდა.

2015 წლის 3 ნოემბრის მონაცემებით, საჯარო რეესტრში კომპანია „აქვა გეოს“ 100%-იანი წილის მფლობელად ვახტანგ ლიპარტიანია მოხსენიებული.
„აქვა გეოს“ გარდა, ვახტანგ ლიპარტიანი სხვა კომპანიებშიც ფლობს წილს. როგორიცაა : შპს „მეღვინეობა ხარება“; შპს „ვაჩნაძიანი“; შპს „ლუკია“. ამასთან, ბიზნესმენი „ქართული ოცნების“ ერთ-ერთი შემომწირველიც იყო. კერძოდ, 2014 წლის თებერვლის მდგომარეობით, ლიპარტიანს „ქართული ოცნებისთვის“ ჯამში 37 353 ლარი აქვს შეწირული.

 

წყარო: https://bpn.ge/index.php?option=com_content&view=article&id=31501%3Avin-aris-snos-100-iani-tsilis-mflobeli&catid=163%3Afinansebi&Itemid=68

დატოვეთ კომენტარი

კომენტარები

მსგავსი სიახლეები

16 Comments

  1. Thanks in favor of sharing such a nice thinking, article is nice,
    thats why i have read it completely

  2. 357566 936376New York Travel Tips […]below youll find the link to some sites that we think you need to visit[…] 962733

Leave a Reply

Your email address will not be published.

Back to top button
Close