საზოგადოება

“ვინც ამ ქიმიურ შხამს უწყინარ და მსუბუქ ნარკოტიკად ასაღებს ციხეში ამოლპობას ვუსურვებ!“

უფლებადამცველი ბაია პატარაია სოციალურ ქსელში ჯემფესტზე მომხდარ შემთხვევას ეხმაურება. შეგახსენებთ, რომ ფესტივალზე ნარკოტიკების ჭარბი დოზის მიღების შედეგად 22 წლის გოგო დაიღუპა.

“22 წლის გოგო რაღაც ნარკოტიკულ შხამს შეეწირა და ზოგს ჰგონია, რომ მოხმარების კრიმინალიზაცია ამას შეაჩერებს. არა, მეგობრებო. ნარკოტიკებით გამოწვეულ ზიანს მოხმარებაზე ციხე კი არ აჩერებს, არამედ განათლება, ცოდნა, კარგი სამედიცინო დახმარება.

როცა ადამიანი ცუდად ხდება, ხალხს სასწრაფოს გამოძახების არ უნდა ეშინოდეს და სასწრაფოც მალე უნდა მოდიოდეს და უნდა იცოდეს გადაუდებელი დახმარების გაწევა.

ხოლო მას, ვინც ამ ქიმიურ შხამს მსუბუქ და უწყინარ ნარკოტიკად ასაღებს და ადამიანებს სასიკვდილოდ იმეტებს – ციხეში ამოლპობას ვუსურვებ.

პ.ს. სახელმწიფოს კიდევ, რომელმაც ჯემფესტი დააფინანსა და მერე პოლიციელებით გაძეძგა და მაინც ვერ შეაჩერა შხამის უწყინარ ნარკოტიკად გასაღება, ვუსურვებ იმდენ ტვინს, რომ შემდგომში პოლიციელებით კი არა, პროფესიონალი მედპუნქტებით უზრუნველყოს მსგავსი თავშეყრის ადგილები; ხოლო ახალგაზრდებს მისცეს რეალური ცოდნა ნარკოტიკებზე და არა დურაკი მითები, რომლისაც არავის სჯერა“, – წერს ბაია პატარაია.

სრული ვერსიის ნახვა

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close