სიღნაღის ამბები

,,ვიდეო და ფოტო ყველაფერს ამტკიცებს და თქვენ გაბანძებაზე მეტყველებს”

,,სიღნაღის საარჩევნო უბნებზე, კარტოფილს რომ დაარიხინებენ, ისე ეზიდებოდნენ ხალხს. სამწუხაროდ, დღეს, ამ ორ პროდუქტს, ოცნებისთვის ერთი ფასი აქვს"

,,აი, ეს ხდებოდა არჩევნების დღეს, საღამოს, სიღნაღის მუნიციპალიტეტის სოფელ ვაქირში, საარჩევნო უბანთან ახლოს. ბეიჯიანი, არჩევნების ფეხზე მატრიალებელი კაცი არის მერის ყოფილი წარმომადგენელი ვაქირში, თამაზ ხელაშვილი, რომელიც ცოტა ხნის წინ გაათავისუფლეს და მერე შეპირდნენ სამსახურს, თუ არჩევნებში დაეხმარებოდათ. გამოდის, რომ გაყალბებაში დახმარება შეუთავაზებიათ…

ამ ვიდეოს წინ უძღოდა ფოტო, სადაც ჩანს, მაგიდაზე გაშლილი ფურცლები და გვერდით, გასაქცევად  მომზადებული ავტომანქანა. თუ ოფიციალურ დოკუმენტებს ამზადებდა ოცნება, ოფისიც ჰქონდათ და ორი საარჩევნო უბანიც, ორღობეში რა უნდოდათ? თუ არაოფიციალურ საქმიანობას ეწეოდნენ, ეს უკვე არჩევნების გაყალბებაა და ფაქტიურად, დამნაშავენი არიან. ასეთ არჩევნებს მოგებულს ეძახის სიღნაღის ოცნების ლიდერშიფი?

ახლა კი იმის შესახებ, რა ხდებოდა სოფელ ვაქირის საარჩევნო უბნების მიმდებარედ არცევნების დღეს.

7 საათიდან გავედი ვაქირის ერთ-ერთ უბანზე. საარჩევნო უბანს მოულოდნელად იმდენი მამაკაცი მიაწყდა, მეგონა, სახაშესთან მოვხვდი. რადგან ერთ-ერთი კანდიდაი ვიყავი, მე ახლოს მისვლა კანონით აკრძალული მქონდა და ჭოგრიტით შეიარაღებულიც არ ვყოფილვარ, ამიტომ არ ვიცი, რა ხდებოდა რეალურად იქ. უბნის გახსნამდე, უბნის ორ მხარეს, გზასთან, ოცნებამ აგიტატორების ორი ბუნაგი გააკეთა მანქანებით. ამ გზაზე უნდა გაევლო საარჩევნო ყუთთან ყველა მიმსვლელს თუ იქიდან გამომსვლელს და აგიტქალებისთვის თვალებში ჩაეხედა, რაც ხალხისთვის რთული აღმოჩნდა. მე არ ვიცი, რას კითხულობდნენ აგიტატორების მრავლისმეტყველ თვალებში  – დაპირებულ ფულს, პომიდორს, კიტრს, სამსახურს, წყალს, ღვარს თუ ასფალტიან გზებს. რაც მოვახერხე იყო ის, რომ ერთ-ერთი ავტომანქანის აგიტატორებს საშუალება არ მივეცი ემუშავათ და ფურცლებიანებს ერბინათ აღმა-დაღმა, რისი მცდელობაც თითქმის ყოველ წუთს ჰქონდათ. ამის გამო, მათ, იქვე, ვაქირის თავკაცოცნებისტები შტაბში საათში ორჯერ იბარებდნენ და დავალებებსა და დარიგებებს არ აკლებდნენ, როგორ უნდა ეხლაფორთად.
  ოცნების ერთ-ერთი დამკვირვებელი, ზორბა, ბეიჯიანი მამაკაცი, ფაღარათიანივით ისე დარბოდა უბნიდან შტაბსა და იმ მაღაზიაში, რომლის წინაც, ერთ-ერთ მანქანაში აგიტატორები ისხდნენ, მათაც კი ეცინებოდათ. ცხადია, ამ სირბილს ჰქონდა მიზანი და შედეგიც. დეტალები არ ვიცი. სამწუხაროდ, ვერ გავშიფრე, რადგან ოცნების სუსივით ყველას არ ვუსმენ.
მანქანების ცვენა იყო უბნის მიმდებარედ, კაცებისაც, რომელთაც სახელად, ხალხის გადამზიდავები ჰქვიათ. აი, კარტოფილს რომ დაარიხინებენ, ისე ეზიდებოდნენ ხალხს, რადგან, სამწუხაროდ, დღეს, ამ ორ პროდუქტს, ოცნებისთვის ფასი ერთი აქვს. თავდაპირველად, მხოლოდ პოლიციელი ლაშა აკონტროლებდა სიტუაციას იმ ფარგლებში, რა დავალებაც ჰქონდა ზემდგომისგან. ლაშა მართლაც კარგი ბიჭია და შემეცოდა, ამ საქმისთვის. უკეთეს ქვეყანაში, ნამდვილად კარგი სამართალდამცველი იქნებოდა, მაგრამ ვინ მოგვაშავა უკეთესი ქვეყანა?
მოგვიანებით, ვაქირული ოცნების ლიდერშიფი ცოტა ანერვიულდა და კოორდინატორებზე მიიტანა იერიში, მეტი ხალხი არ გვყავსო? სწორედ ამ პერიოდში, უბნის მიმდებარედ გაჩნდნენ თბილისში მომუშავე ძალოვნები, რომლებიც ვაქირში დაიბადნენ და გაიზარდნენ. ცხადია, ოცნების მხარდასაჭერად ამუშავდა კუნთები… მერე იტყვიან, პოლიციური სახელმწიფო არ გვაქვსო… არც გაბედოთ!
   მოკლედ, გადავიდეთ დასკვნით ნაწილზე. უცებ, ინფორმაცია მომაწოდეს, ვაქირის მეორე უბანზე, სკოლის უკან, მოფარებულში, ანუ ორღობეში, ,,ბირჟავიკების” მაგიდასთან მანქანა დგას და ფულს არიგებენო. მარტო წავედი ჩემი მანქანით და ორღობეში, თავზე დავადექი ვის? ჩემი თანაკლასელის ცოლს, რომელიც წინა დღეს მიმტკიცებდა, კლასელები ხართ, შენ როგორ გიღალატებთ, ეგ გამორიცხულია, ჩვენ ასეთი ხალხი არ ვართო… ჩემი ნათლიის შვილს, მერის ყოფილ წარმომადგენელს ვაქირში, რომელიც სკანდალურად გაუშვეს სამსახურიდან და მერე შეპირდნენ, თუ არჩევნებში დაგვეხმარები, სამსახური გარანტირებული გექნებაო და მანაც გადაიჭრა ვენები დახმარებით. სინდისი? ეს რაღაა ან კიდევ თუ არსებობს სადმე, ეტყობა დაავიწყდა. ვიდეო და ფოტო ყველაფერს ამტკიცებს და თქვენ გაბანძებაზე მეტყველებს, თორემ იძახეთ, ასეთი რამ არ ყოფილაო. მე არ ვიცი რა ჩაიტენეს იმ მაგიდასთან მჯდომმა ქალებმა ჩანთებსა და მანქანაში, ფული, სიები, ბიულეტენები… თუ არაფერი ხდებოდა, რატომ გაიქცა ჩემი გამოჩენისთანავე მანქანით იმ ხალხის ნაწილი, ვინც იქ იყო? თუ არაფერი ხდებოდა, რა მიარბენინებდათ, ვნახავდი რას აკეთებდნენ, იმედი გამიცრუვდებოდა, მე, ,,ბოროტსა და მუნიციპალიტეტის ბუას” და წავიდოდი ჩემს გზაზე. უბნებზე ოფიციალურად მყოფ პოლიციელებს რომ ვაჩვენე ვიდეო, მითხრეს, ჩვენ მხოლოდ ხალხის მოწესრიგება გვევალება და ეგ ჩვენი საქმე არ არისო. კრიმინალურ პოლიციას კრიმინალი არ აინტერესებდა და ეს ძალიან გამიკვირდა მეთქი, ვერც ამას ვიტყვი, ჩვენდა სამწუხაროდ…
დამწყებ ვაქირელ პოლიციელს, რომელიც მისივე თქმით თბილისში მოღვაწეობს და იმიტომ ჩამოვიდა, რომ ოცნებას დახმარებოდა და ამის გამო შვებულებაც კი აიღო, 2 – იანს დავუწერდი გამოცდაზე, რადგან მან ისიც კი არ იცის, როგორ იქცევა დამნაშავე, როცა ფაქტზე წაასწრებ. ფსიქოლოგიის გაგებაში არ არის და აქედან მინდა ამ სფეროს ა-ნი მაინც ვუთხრა: გარბის შვილო, გარბიიის… ბ-ანი-ს და ჰ-აე-ს ვინ ასწავლის, აი ეგ არის სანერვიულო და საფიქრი. და თუ ადრინდელივით კიდევ გადმოირბენ ჩემთან, სახლში, თხოვნით, რომ დაგეხმარო შენი თავდაპირველი საქმიანობის გაპიარებაში, სპორტული მიღწევების გაპიარებასთან ერთად იურისპლუდენციიდანაც გასწავლი პრაქტიკულ საკითხებს, რადგან 10 წელი მაგ სფეროში ვიმუშავე ჟურნალისტიკის კუთხით და ბევრი ვიცი.
  ასე, რომ თქვენი კუდების ყავარზე გადება, მე არ მამცირებს, თქვენს პიროვნულ მახასიათებელს კიდევ, ახალგაზრდობიდანვე უნდა მოფრთხილება.
41, გილოცავ ხალხზე გამარჯვებას! ხალხო, გილოცავ ღირსეულ რბოლას ჭაობისკენ! აბა, თქვენ იცით ” _ წერს ჟურნალისტი ნელი ვარდიაშვილი ფეისბუქის საკუთარ გვერდზე. როგორც მისივე პოსტიდან ირკვევა, ადგილობრივ არჩევნებზე ის პარტიული საარჩევნო სიის ერთ-ერთი კანდიდატი იყო.

დატოვეთ კომენტარი

კომენტარები

მსგავსი სიახლეები

Back to top button
Close