საინტერესო

,,ვაშინგტონში ახალი ადმინისტრაციაა_ მსოფლიო პოლიტიკაში საინტერესო პროცესები იწყება”

დღეიდან ვაშინგტონში ახალი ადმინისტრაციაა.
ჩვენთვის სასიცოცხლოდ მნიშვნელოვანია ახალი ადმინისტრაციის საგარეო პოლიტიკა, რისი კონტურებიც უკვე იკვეთება.
გარდა იმისა, აშშ-ს სენატში გამართული მოსმენის დროს სახელმწიფო მდივნის თანამდებობაზე წარდგენილმა ენტონი ბლინკენმა კიდევ ერთხელ საკმაოდ არგუმენტირებულად დაუჭირა მხარი საქართველოს ნატოში გაწევრიანების საკითხს, მან ასევე ისაუბრა თურქეთ-აშშ-რუსეთის ურთიერთობებზე.
ბლინკენმა ღიად განაცხადა, რომ თურქეთი არ იქცევა მოკავშირესავით (განსაკუთრებით რუსეთთან დაახლოებისა და რუსული იარაღის შეძენის მხრივ), რის გამოც ვაშინგტონმა შესაძლოა გააფართოვოს ანკარის წინააღმდეგ ერთი თვის წინ დაწესებული შედარებით მსუბუქი სანქციები.
ეს კი სერიოზულ საფრთხეს შეუქმნის ისედაც მძიმე მდგომარეობაში მყოფ თურქულ ეკონომიკას.
როგორც ჩანს, ახალი ადმინისტრაცია ყველანაირად (მათ შორის, შესაძლოა სანქციების გამოყენებითაც) შეეცდება დასავლურ ორბიტაზე დააბრუნოს მეზობელი თურქეთი, რაც ასევე მნიშვნელოვანია რეგიონული უსაფრთხოებისთვის და აქედან გამომდინარე, ჩვენთვისაც.
მოკლედ, საინტერესო პერიოდი იწყება მსოფლიო პოლიტიკაში, რისი ნაწილიც ჩვენც ვიქნებით.
მეორე საკითხია, როგორც ქვეყანა, რამდენად ვართ მზად ამ ცვლილებებისთვის.
ზურა ბატიაშვილი, პროფესორი

დატოვეთ კომენტარი

კომენტარები

მსგავსი სიახლეები

Back to top button
Close