საზოგადოება

ვაკეში მომხდარი მკვლელობის სავარაუდო ვერსია ვრცელდება

ვაკეში მომხდარი შეიარაღებული თავდასხმა, რომლის დროსაც ერთი პიროვნება დაიღუპა, მეორე კი მძიმედ დაიჭრა, უკვე გახსნილია, ეჭვმიტანილი კი დაკავებული. დღისით-მზისით მანქანაში ადამიანების ჩაცხრილვამ საზოგადოებაში უდიდესი წუხილი და შეშფოთება გამოიწვია, რომელიც სოციალურ ქსელებში თუ კერძო საუბრებში აისახა.

მოკლულ ახალგაზრდა მამაკაცს _ სოსო ჯოხაძეს ქალაქში ბევრი იცნობდა. საზოგადოებისთვის უცნობი არც მკვლელობის ბრალდებით დაკავებული ბადრი ნათობაძე -მეტსახელად `ბადუკა` არის. როგორც “ფოსტალიონისთვის ” გახდა ცნობილი, ჯოხაძეც და ნათობაძეც ერთმანეთთან დაპირისპირებული ახალგაზრდების ჯგუფს წარმოადგენდნენ. საქმეში მეტ-ნაკლებად ჩახედული პიროვნებების ცნობით, ეჭვმიტანილის ჯგუფი ნაციონალური მოძრაობის დროს საკმაოდ პრივილეგირებული იყო. მათ მიშას ზონდერებსაც უწოდებდნენ, თუმცა ოფიციალურად, არცერთ სამართალდამცავ სტრუქტურაში არ ირიცხებოდნენ. ამბობენ, ისინი მიტინგების დარბევებშიც იღებდნენ მონაწილეობას, მოძრაობდნენ ძვირადღირებული მანქანებით და კარგი ანაზღაურებაც ჰქონდათო.

დაახლოებით წელიწადნახევრის წინ, მათ სახელს კიდევ ერთი შეიარაღებული თავდასხმა დაუკავშირეს, თუმცა მაშინ მსხვერპლი ცოცხალი გადარჩაო.

მოკლული სოსო ჯოხაძის და მისი ძმის სახელიც რამდენიმე გახმაურებული, კრიმინალური ფაქტის დროს გაჟღერდა. წყაროს ცნობით, ერთ-ერთმა, გიორგიმ ჯოხაძემ სასჯელი მოიხადა კიდეც, სოსო კი საქართველოდან კარგა ხნით წასული იყო, თუმცა, სულ ახლახანს საქართველოში დაბრუნდა და როგორც ამბობენ, კრწანისის მაჟორიტარი კანდიდატის საარჩევნო კამპანიაში ჩაერთო.

დღევანდელ მკვლელობას, ცოტა ხნის წინ, მოკლულის ძმის მიერ სააკაშვილის მხარდამჭერი კრიმინალური ჯგუფის ერთ-ერთი წევრის ცემას უკავშირებენ. წყაროს ინფორმაციით, გიორგი ჯოხაძემ მეორე დაჯგუფების წევრი _ ფეიქრიშვილი სცემა და “შე ნაციონალოო”, ასეთი სიტყვებით შეამკო. როგორც ამბობენ, წლების წინ, გიორგი ჯოხაძემ თავად მკვლელობაში ეჭვმიტანილიც სცემა, ამიტომ, სავარაუდოდ, აღნიშნული დანაშაული შურისძიებასაც უნდა უკავშირდებოდესო.

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close