საზოგადოება

ე.წ. ჭიაკოკონობაზე საბურავების დაწვა 200-დან 500-მდე თანხით ჯარიმდება

გარემოს დაცვის სამინისტრო მოსახლეობას მოუწოდებს, ე.წ. ჭიაკოკონობაზე საბურავები და პლასტიკური მასალები არ დაწვან, წინააღმდეგ შემთხვევაში ეს ქმედება 200-დან 500 ლარამდე დაჯარიმებას გამოიწვევს. “საქართველოში, ტრადიციულად, აღდგომის წინა ოთხშაბათს ე.წ. „ჭიაკოკონობა” იმართება. კოცონის დასანთებად ავტომობილების საბურავებს და პლასტიკურ მასალებს იყენებენ, შედეგად გარემოსა და ადამიანთა ჯანმრთელობისათვის საშიში ტოქსიკური, კარცეროგენული ნივთიერებები და აირები გამოიყოფა. საფრთხე ექმნება მოსახლეობის, განსაკუთრებით კი, ბავშვების ჯანმრთელობას, რომლებიც აქტიურად მონაწილეობენ ამ რიტუალში. გარემოსა და ბუნებრივი რესურსების დაცვის სამინისტრო მიმართავს მოსახლეობას – არ დაწვან საბურავები და პლასტიკური მასალები,” – აღნიშნულია სამინისტროს განცხადებაში. ნებისმიერი ტიპის ნარჩენების ღია წესით დაწვა აკრძალულია და გამოიწვევს დაჯარიმებას 200-დან 500 ლარამდე. გარემოსდაცვითი ზედამხედველობის დეპარტამენტი დააწესებს მკაცრ კონტროლს აღნიშნულ ქმედებაზე და ყველა დამრღვევის მიმართ კანონმდებლობით დადგენილ ზომებს გაატარებს.

დატოვეთ კომენტარი

კომენტარები

მსგავსი სიახლეები

One Comment

  1. 165866 757581Delighted for you to discovered this internet site write-up, My group is shopping far more often than not regarding this. This can be at this moment certainly what I are already seeking and I own book-marked this specific site online far too, Ill often be maintain returning soon enough to appear at on your exclusive weblog post. 235410

Leave a Reply

Your email address will not be published.

Back to top button
Close