საზოგადოება

„ეს კანონი მოსახლეობას დატოვებს მამა-პაპისეული და სხვა ტიპის მიწების გარეშე“

„თავისუფალი დემოკრატები“ მთავობისგან „საჯარო რეესტრის შესახებ“ კანონპროექტის პარლამენტიდან გაწვევას მოითხოვენ. მთავრობის აღნიშნული ინიციატივა დაურეგისტრირებელი მიწების სახელმწიფოს მფლობელობაში გადასვლას ითვალისწინებს. კანონპროექტი პარლამენტის ბიუროს დავალებით იურიდიულ კომიტეტს განსახილველად უკვე გადაეცა. ამ თემაზე „თავისუფალი დემოკრატების’’ ლიდერებმა ირაკლი ჩიქოვანმა და სულხან ღლონტმა სპეციალური ბრიფინგი გამართეს. „თავისუფალი დემოკრატების“ განმარტებით ეს არის კანონი, რომელიც საქართველოს მოსახლეობის უმრავლესობას მამა-პაპისეული და სხვა ტიპის მიწების გარეშე ტოვებს, რომელსაც გლეხი ათწლეულების მანძილზე ამუშავებდა. ეს პრობლემა საქართველოს 400 000-ზე მეტ მოქალაქეს ეხება. „თავისუფალი დემოკრატების“ განმარტებით, საქართველოში დაურეგისტრირებელი მიწები არ ნიშნავს უპატრონოს.
დღევანდელ ბრიფინგზე „თავისუფალმა დემოკრატებმა“ წარადგინეს კონკრეტული კანონის პროექტი, რომელიც დამუშავებულია USAID-ის და საქართველოსი მომუშავე არასამთავრებო სექტორის მიერ. ამ კანონპროექტს ‘’თავისუფალი დემოკრატები’’ საკუთარი ინიციატივებით, რომელიც მომზადებული იქნება, ასევე სამოქალაქო სექტორთან ერთად, გაუწევენ ლობირებას და უახლოეს მომავალში წარადგენენ საქართველოს პარლამენტში.

„ვიდრე ეს კანონი საქართველოს პარლამენტში განიხილება, საქართველოს მოსახლეობას ექნება იმის შიში, რომ მთავრობა მათ წაართმევს იმ მიწებს, რომელიც მათ წლების და საუკუნეების განმავლობაში ეკუთვნოდათ. ერთადერთი სწორი ნაბიჯი ამ შემთხვევაში არის ამ კანონპროექტის უკან გაწვევა. ეს პარლამენტი არ გამოირჩეოდა იმით, რომ როდესმე შეწინააღმდეგებოდა საქართველოს მთავრობას და პრაქტიკულად ყველა გადაწყვეტილებას “უპრავებდა”, რომელიც მთავრობაში იყო მიღებული. ზუსტად აქედან გამომდინარე ექნება მოსახლეობას მოლოდინი, რომ პარლამენტი ისევ დაუმტკიცებს მთავრობას იმ გადაწყვეტილებას, რომელიც მთავრობამ მიიღო. აქვე მინდა აღვნიშნო, რომ ეს საკითხი შესწავლილია და ჩატარებულია არაერთი კვლევა, მათ შორის USAID-ის მიერ დაფინანსებული, რომელიც მიწის ნაკვეთებზე უფლებათა სისტემური რეგისტრაციის სამართლებრივ სტრატეგიას გულისხმობს. ეს დოკუმენტი თავის დროზე ნანახი აქვს იუსტიციის სამინისტროს და მეტიც, სტრატეგიად არის განსაზღვრული’’, – განაცხადა ირაკლი ჩიქოვანმა.

„სინამდვილეში კანონპროექტის უკან გაწვევას არ აპირებენ და ამას ადასტურებს პარლამენტის ბიუროს მიერ მიღებული გადაწყვეტილება, სადაც იურიდიული კომიტეტი განისაზღვრა ამ საკითხში წამყვან კომიტეტად. მათი მხრიდან განცხადება არის ტყუილი, რომ ამ კანონპროექტს უკან წაიღებენ, ვინაიდან მისი განხილვის პროცედურები უკვე დაწყებულია. მოვუწოდებთ მთავრობას, გაიწვიოს ეს კანონპროექტი, ვინაიდან ეს არის ალბათ ერთ-ერთი ყველაზე ცუდი კანონპროექტი, რაც კი ოდესმე მთავრობას მიუღია”, – განაცხადა სულხან ღლონტმა.

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close