საზოგადოება

ემზარ კვიციანის მიერ გავრცელებულ პოსტთან დაკავშირებით ვანო ჯავახიშვილი პოლიციის სამმართველოში იმყოფება

ტელეკომპანია ”რუსთავი2”-ის წამყვანი, ვანო ჯავახიშვილი ადვოკატთან ერთად დიღმის სამმართველოში იმყოფება.

როგორც ვანო ჯავახიშვილმა აღნიშნა, მისი დაბარების მიზეზი გახდა ”პატრიოტთა ალიანსის” დეპუტატის, ემზარ კვიციანის პოსტი სოციალურ ქსელში, რომელშიც საუბარია, ვანო ჯავახიშვილის სავარაუდო ლიკვიდაციაზე.

ვანო ჯავახიშვილის თქმით, ემზარ კვიციანის პოსტში მხოლოდ მასზე არ იყო საუბარი და, ზოგადად, „რუსთავი2“-ის ჟურნალისტებს ეხებოდა. მისი აზრით, ემზარ კვიციანი ფიქრობს, რომ მსხვერპლი შეიძლება ვანო ჯავახიშვილი იყოს.

”მუქარის შემცველი სტატუსი იყო ყველა ჟურნალისტზე, ვინც მუშაობს „რუსთავი2“-ში. რეაგირება იყო დროული. იმედი მაქვს, რომ გამოძიება თუ დაიწყო, რაღაც შედეგს მივიღებთ. დღეს დამიბარა გამომძიებელმა. რამდენიმე შეკითხვა აქვს. ეს გამოკითხვის ფორმატია”, – განაცხადა ვანო ჯავახიშვილმა.

მისი თქმით, რაც აღნიშნულ მუქარას ტელეკომპანიის, საზოგადოების მხრიდან რეაქცია მოჰყვა, შეიცვალა მუქარის მიმართულება და ისე გამოიყვანეს, თითქოს ემზარ კვიციანმა იხუმრა. „მას შემდეგ, რაც ასეთი რეაქცია მოჰყვა ტელევიზიის და საზოგადოების მხრიდან, უცებ შეიცვალა მუქარის მიმართულება, ვითომ ეს გადაიყვანეს იუმორში. თითქოს ემზარ კვიციანს ასეთი იუმორი აქვს. ასე აანონსებს ადამიანების ლიკვიდაციას. ვურჩევ, ისწავლონ იუმორის ფორმულები”, – განაცხადა ვანო ჯავახიშვილმა.

ჟურნალისტის კითხვაზე, შესაძლოა თუ არა ემზარ კვიციანს ვანო ჯავახიშვილის ხუმრობები არ მოსწონდეს და ამით იყოს აღნიშნული პოსტი გამოწვეული, ვანო ჯავახიშვილმა უპასუხა: ”შესაძლოზე არ არის ლაპარაკი. არ მოეწონა, დადასტურებით ვიცი”.

ვანო ჯავახიშვილის ადვოკატმა, დიტო საძაგლიშვილმა განაცხადა, რომ შსს-ს მიაწვდიან მათ ხელთ არსებულ ინფორმაციას. ”საგამოძიებო ორგანოებმა დაიწყეს რეაგირება, თუ რამდენად ეფექტურად იმოქმედებენ, მომავალში გამოჩნდება”, – განაცხადა დიტო საძაგლიშვილმა.

ipn.ge

დატოვეთ კომენტარი

კომენტარები

მსგავსი სიახლეები

2 Comments

  1. Its like you read my mind! You seem to know so much approximately this, like you wrote the guide in it or something. I believe that you simply could do with some to pressure the message home a little bit, but instead of that, this is fantastic blog. An excellent read. I will certainly be back.

  2. 584123 346278Even though you are any of the lucky enough choices, it comes evidently, although capture the fancy of the certain coveted by ly folks other helpful you you meet may possibly well have hard times this specific issue. pre owned awnings 653162

Leave a Reply

Your email address will not be published.

Back to top button
Close