საზოგადოება

ევროპარლამენტარები ვანო მერაბიშვილის დაუყოვნებლივ გათავისუფლებას ითხოვენ

ევროპარლამენტის 9 წევრი საქართველოს პრეზიდენტ გიორგი მარგველაშვილს, პრემიერ-მინისტრ გიორგი კვირიკაშვილს და პარლამენტის თავმჯდომარე ირაკლი კობახიძეს წერილით მიმართავს.

ევროპარლამენტარები საქართველოს მთავრობის ხელმძღვანელ პირებს ვანო მერაბიშვილის დაუყოვნებელი გათავისუფლებისკენ მოუწოდებენ.
ევროპარლამენტარები საქართველოს მთავრობას მიმართავენ, პატივი სცენ ვანო მერაბიშვილის საქმეზე ევროპის ადამიანის უფლებათა სასამართლოს დიდი პალატის საბოლოო გადაწყვეტილებას.

„ჩვენ, ევროპარლამენტის ქვემორე ხელის მომწერი წევრები საქართველოს სუვერენიტეტის, ტერიტორიული მთლიანობის და ქართველი ხალხის ევროპული არჩევანის მტკიცე მხარდამჭერნი ვართ. 1991 წელს დამოუკიდებლობის აღდგენის შემდეგ, საქართველომ გრძელი გზა გამოიარა. დემოკრატიზაციის თვალსაზრისით, აღმოსავლეთ პარტნიორობის პროგრამის ქვეყნებს შორის, საქართველო უფრო წინ წასულად მიიჩნევა, მათ შორის იმიტომ რომ საქართველოში არსებობს ძლიერი პროდასავლური ოპოზიცია და მთავრობის კონტროლისგან თავისუფალი მედია. იმისათვის, რომ ეს პროგრესი გაგრძელდეს, აუცილებელია, რომ მთავრობამ გადაჭრას რამდენიმე მნიშვნელოვანი საკითხი.

მოუწოდებთ საქართველოს მთავრობას, პატივი სცეს ევროპის ადამიანის უფლებათა სასამართლოს დიდი პალატის საბოლოო გადაწყვეტილებას საქართველოს ყოფილი პრემიერ-მინისტრის ვანო მერაბიშვილის საქმეზე, რომლის თანახმადაც მასთან მიმართებაში საქართველოს მთავრობამ ევროპის ადამიანის უფლება კონვენციის მე-18 მუხლი დაარღვია მისი „ფარული მიზნებით“ და „არაკეთილსინდისიერი მოტივით“ დაკავების გამო. გამოწვევებით აღსავსე საერთაშორისო უსაფრთხოების დღევანდელ გარემოში, ქართველი ხალხის ინტერესშია რომ ყველა პოლიტიკურმა ძალამ გამონახოს საერთო ენა და იფიქროს ქვეყნის მომავალზე. აღნიშნულის გათვალისწინებით, ჩვენ მოვუწოდებთ საქართველოს ხელისუფლებას ვანო მერაბიშვილის დაუყოვნებელი გათავისუფლებისკენ.

პარლამენტის როლი, განსაკუთრებით კი მთავრობის საპარლამენტო კონტროლი ნებისმიერი დემოკრატიის ფუნდამენტური პრინციპია. პრემიერ-მინისტრი და მინისტრები საპარლამენტო კონტროლს თავს არ უნდა არიდებდნენ. ოპოზიციას, მათ შორის შემოწირულობების მოზიდვის და კონკურენციის გაწევის შესაძლებლობების თვალსაზრისით, მთავრობა უნდა ეპყრობოდეს იმ სტანდარტების შესაბამისად, რომლისკენაც საქართველო ისწრაფვის.

მნიშვნელოვანია, რომ საქართველომ შეინარჩუნოს პლურალისტური მედია გარემო, რომელიც მოქალაქეებს აზრთა მრავალფეროვნებას სთავაზობს. ჩვენ თვალყურს ვადევნებთ „რუსთავი 2“-ის, საქართველოს ყველაზე პოპულარული ტელევიზიის მფლობელობის შეცვლის მცდელობებს, რომლებმაც სხვადასხვა პარტნიორების, მათ შორის ეუთოს მედიის თავისუფლების საკითხებში წარმომადგენლის შეშფოთება გამოიწვია.
ჩვენ ვრჩებით საქართველოს დემოკრატიული და ევროპული მომავლის მხარდამჭერებად. თუმცა, პასუხისმგებლობა იმაზე, რომ საქართველოს პროგრესი გაგრძელდეს პირველ რიგში აკისრია მათ ვინც საქართველოს ხალხმა საკუთარი ქვეყნის სამართავად აირჩია“, – აღნიშნულია მიმართვაში, რომელსაც ხელს აწერენ ევროპარლამენტარები – პეტრას აუსტრევიჩიუსი (ლიბერალები, ლიტვა), დევიდ მაკალისტერი (ევროპის სახალხო პარტია, გერმანია; ევროპარლამენტის საგარეო ურთიერთობათა კომიტეტის თავმჯდომარე), ჟიგიმანტას ბალჩიტისი (სოციალ-დემოკრატიული ფრაქცია, ლიტვა), ივან სტეფანეჩი (ევროპის სახალხო პარტია, სლოვაკეთი), იარომირ შტეტინა (ევროპის სახალხო პარტია, ჩეხეთი), სანდრა კალნიეტე (ევროპის სახალხო პარტია, ლატვია), ანა ფოტიგა (ევროპის კონსერვატორები და რეფორმატორები, პოლონეთი), ხოსე ინაციო ფარია (ევროპის სახალხო პარტია, პორტუგალია) და ჰილდე ვაუტმანსი (ლიბერალები, ბელგია).

ევროპარლამენტის 9 წევრის განცხადებას „ევროპული საქართველო“ ავრცელებს.

დატოვეთ კომენტარი

კომენტარები

მსგავსი სიახლეები

7 Comments

  1. 241225 921The planet are in fact secret by having temperate garden which are normally beautiful, rrncluding a jungle that is surely surely profligate featuring so a lot of systems by way of example the game courses, golf procedure and in addition private pools. Hotel reviews 405822

  2. 349679 96226Hello there! Do you know if they make any plugins to protect against hackers? Im kinda paranoid about losing everything Ive worked hard on. Any suggestions? 686072

  3. Thanks for the strategies you are discussing on this web site. Another thing I’d like to say is that often getting hold of some copies of your credit score in order to scrutinize accuracy of each detail may be the first activity you have to undertake in credit restoration. You are looking to clean your credit reports from detrimental details flaws that wreck your credit score.

  4. 314993 767586Hello! I could have sworn Ive been to this weblog before but right after browsing through some of the post I realized its new to me. Anyways, Im definitely happy I discovered it and Ill be book-marking and checking back frequently! 198863

Leave a Reply

Your email address will not be published.

Back to top button
Close