საზოგადოება

,,ეს არის საქართველოში სიკვდილიანობის გაზრდის მიზეზი“ _ დაცვის ნაცვლად მოქალაქეებს ახრჩობენ

,,ცივილურ ქვეყნებში ჯანდაცვას, მედიკამენტების წარმოებას, მის რეალიზაციას სახელმწიფოს არეგულირებს, რადგან ის ეხება ადამიანის სიცოცხლეს და ჯანმრთელობას. ამ ქვეყნებში კომპანიებს აკრძალული აქვთ, ერთდროულად რამდენიმე საქმე აკეთონ _ აწარმოონ მედიკამენტები, მოახდინონ მისი დისტრიბუცია და გახდნენ დარგის მონოპოლისტები. აქედან გამომდინარე,  იქ,  ჯანდაცვა ყველა მოქალაქისთვის არის ხელმისაწვდომი. საქართველოში კი ჩამოყალიბებულია კარგად ორგანიზებული, მაფიოზური ჯგუფი, რომელიც ვაჭრობს ადამიანის სიცოცხლით და ჯანმრთელობით. მილიონების შოვნის დაუოკებელი წყურვილის გამო, მათ საიქიოს გაისტუმრეს ასიათასობით ჩვენი მოქალაქე.

_ იქნებ, დაგვიკონკრეტოთ, ვის მიიჩნევთ ჯანდაცვის სფეროს მაფიოზებად?

_ დავიწყებ კახა ოქრიაშვილით, რომელიც არის ყველაზე გამოკვეთილი მაფიოზი ამ სფეროში. შევარდნაძის ხელისუფლებიდან დაწყებული, ბიძინა ივანიშვილის ხელისუფლების ჩათვლით, ეს ადამიანი ყველას მოერგო. პსპ-სთან ერთად, მას ასევე აქვს წამლის საწარმო, ახდენს მედიკამენტების დისტრიბუციას, არის შემომტანი, მისი საკუთრებაა სადაზღვევო კომპანია და სამედიცინო დაწესებულებები. ოქრიაშვილმა შექმნა მოჯადოვებული  წრე, სადაც თავად აწესებს ფასებს. ეს ფასები კატასტროფულად აღემატება სხვა ქვეყნის აფთიაქებში გასაყიდად გამოტანილი, უფრო ხარისხიანი წამლების ღირებულებებს. მეტსაც გეტყვით, ეს პიროვნება მუდმივად იგებს სახელმწიფო ტენდერებს და ბიუჯეტიდან მიაქვს დიდი ფული.

 _ სჯობს, ფაქტებით ვისაუბროთ…

_ კი ბატონო. ბოლოს, უფასო წამლების დარიგების პროგრამაში მონაწილეობდა და მოიგო რამდენიმე მილიონიანი ტენდერი. ეს მაშინ, როცა მის საწარმოში დამზადებული მედიკამენტები არის უხარისხო. ჩვენს ქვეყანაში არ არსებობს მედიკამენტების ხარისხის ობიექტურად შეფასების სისტემას, რითაც მშვენივრად სარგებლობენ ფარმაცევტული კომპანიების მაფიოზი ხელმძღვანელები. ისინი გარიგებული არიან ექიმებთან და სთხოვენ მათ, რომ პაციენტებს გამოუწერონ რაც შეიძლება მეტი მედიკამენტი. სამაგიეროდ, ამ ექიმებს ურიცხავენ ბონუსებს,  თანხებს. დანაშაულებრივი წრე აქვთ შექმნილი. საქმე იქამდე მივიდა, რომ ოქრიაშვილი კონსტიტუციასაც გვიწერს. მოგეხსენებათ, პარლამენტში ის გახლავთ უმრავლესობის დეპუტატი და საკონსტიტუციო ცვლილებებზე მუშაობის დროს, მასში მონაწილეობასაც იღებდა. ზუსტად ასე დაწერეთ, ეს სამედიცინო ჯალათი წლებია, რაც ადამიანების სიცოცხლითა და ჯანმრთელობით ვაჭრობს. ასე გახდა მილიარდერი. ჩვენ კი ყოველდღიურად გვეღუპებიან ადამიანები, რადგან მათ არ აქვთ მკურნალობის, წამლის შეძენისა და ექიმთან მისვლის საშუალება. სიკვდილიანობის გაზრდის ერთ-ერთი მიზეზი სწორედ ეს არის” _განაცხადა ჟურნალისტთან საუბარში ლეიბორისტული პარტიის ერთ-ერთმა ლიდერმა, გიორგი გუგავამ.

სტატია სრული ფორმით იხილეთ საიტზე: euronews.ge

დატოვეთ კომენტარი

კომენტარები

მსგავსი სიახლეები

5 Comments

  1. 1079 49837You should participate in a contest for among the best blogs on the internet. I will recommend this website! 162291

  2. 243920 636042Excellently written article, doubts all bloggers offered the identical content material since you, the internet has to be far greater spot. Please stay the very best! 158396

Leave a Reply

Your email address will not be published.

Back to top button
Close