საზოგადოება

ეგვიპტეში რუსეთის ჯარების გადასროლას მოსკოვი უარყოფს

რუსეთის თავდაცვის სამინისტრო უარყოფს გავრცელებულ ინფორმაციას, რომ რუსეთმა თავისი ჯარი ეგვიპტის ერთ-ერთ ბაზაზე, ლიბიის საზღვართან ახლოს გადაისროლა.

“რუსეთის სპეციალური დანიშნულების ქვედანაყოფები არ არიან სიდი-ბარანიში (ეგვიპტის არაბული რესპუბლიკა). მსგავსი ინფორმაციით ანონიმური დასავლური მედიასაშულაბები საზოგადოებას არაერთი წელია აშფოთებენ. განსაკუთრებით მსგავსი “მონაცემები” აქვთ უკრაინისა და ბალტიისპირეთის ქვეყნების ანონიმებს”, – განაცხადა რუსეთის თავდაცვის უწყების წარმომადგენელმა გენერალ-მაიორმა იგორ კონაშენკომ.
მანამდე სააგენტო “როიტერმა”  აშშ-ის სადაზვერვო სამსახურის ანონიმურ წყაროზე დაყრდნობით ინფორმაცია გაავრცელა, რომ რუსეთმა სამხედროები ეგვიპტეში განათავსა. ეგვიპტის არმიის ოფიციალური წარმომადგენელი ტამერ ალ-ფირაიმ ინფორმაცია უარყო და სააგენტოს განუცხადა, რომ “ეგვიპტის ტერიტორიაზე უცხო ქვეყნის ჯარები არ იმყოფებიან. ეს სუვერენიტეტის საკითხია”.
რუსული მედიის ინფორმაციით, აღმოსავლეთ ლიბიის ხელისუფლებამ რუსეთის ფედერაციას სამხედროების გაწვრთნასა და სამხედრო ტექნიკის რემონტში დახმარება სთხოვა. მოსკოვმა კი პირობა მისცა, რომ ტერორიზმთან ბრძოლაში ხელს შეუწყობს.
“ჩვენ ვთხოვეთ რუსეთის ხელისუფლებას შეიარაღებული ძალების სამხედრო მოსამსახურეების წვრთნაში დაგვეხმაროს. ასევე, დახმარება გაგვიწიონ რუსმა სპეციალისტებმა სამხედრო ტექნიკის რეაბილიტაციაში, რადგან ჩვენი ბევრი ოფიცერი რუსეთში სწავლობდა და რუსულ ენას ფლობენ და იციან როგორ გამოიყენონ რუსული ტექნიკა. ჩვენ ტერორიზმთან ბრძოლაში დახმარებას დაგვპირდნენ”, – განაცხადა ლიბიის პარლამენტის წარმომადგენელთა პალატის  სპიკერმა აკილია სალეხ ისამ რუსულ მედიასთან საუბარში.
ამჟამად ლიბიაში ორხელისუფლებიანობაა –  ქვეყნის აღმოსავლეთს ქალაქ ტორბუკიდან ხალხის მიერ არჩეული პარლამენტი მართავს, დასავლეთ ნაწილს დედაქალაქ ტრიპოლიში გაეროსა და ევროპის მიერ მხარდაჭერილი ეროვნული თანხმობის ხელისუფლება მართავს. აღმოსავლეთ ლიბიის ხელისუფლება ტრიპოლისაგან დამოუკიდებლად მოქმედებს და თანამშრომლობს ნაციონალურ არმიასთან მარშალ ჰალიფა ჰაფტარის ხელმძღვანელობით, რომელიც ისლამისტების წინააღმდეგ გაჭიანურებულ ბრძოლაშია ჩაბმული.

წყარო: pia.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close