საზოგადოება

დღეს, სითი პარკს სასამართლო პროცესი კიდევ ერთმა მოქალაქემ, მამუკა მჭედლიშვილმა მოუგო

,,სითი პარკმა,, სასამართლო პროცესი კიდევ ერთხელ წააგო! ამჯერად 
 „ფოსტალიონი“ სასამართლოს მიერ გამართლებულ პიროვნებას დაუკავშირდა და პირადად მისგან შეიტყო, რაც მას „სითი პარკთან“ დაკავშირებით გადახდა.
მამუკა მჭედლიშვილი: _ „სითი პარკის“ სადგომებზე პარკირების 6 თვიანი გადასახადი გადახდილი მქონდა _ 25 ლარი, მაგრამ ჯარიმებს მაინც მიყრიდნენ ავტომანქანასთან.  რამდენჯერმე გავაფრთხილე, მიუტანე კიდევაც გადახდის ქვითარი, მაგრამ მაინც გააგრძელეს ჯარიმების გამოწერა. ბოლოს გადამამისამართეს მერიის ტრანსპორტის სამსახურში, სადაც ნაწილობრივ გამიუქმეს ჯარიმები და მხოლოდ 220 ლარი ჩამომაწერეს. ამის შემდეგ მივმართე სასამართლოს, რომელიც დღეს ჩატარდა. მოსამართლე იყო დავით წერეთელი. სასამართლო სხდომაზე „სითი პარკის“ წარმომადგენლები არ მოვიდნენ.
_ მხოლოდ „სითი პარკს“ უჩიოდით?
_ არა, ვუჩიოდი მერიასაც და „სითი პარკსაც“, რაც მოსამართლე წერეთელმა სრულიად გაიზიარა და ყველა გამოწერილი ჯარიმა გააუქმა.
 _ პარკირების 6 თვიანი გადასახადი თუ გადახდილი გქონდათ, როგორ გაჯარიმებდნენ?
_ ავტომანქანაზე თავდაპირველად ტრანზიტული ნომრები მქონდა და აქედან დაიწყეს ჯარიმების წერა, მაგრამ განბაჟების შემდეგაც არ შეუწყვეტიათ და ახალ ნომრებზეც გააგრძელეს. ჯამში გამოვიდა 490 ლარი ჯარიმა, მაგრამ სასამართლომ ეს თანხა მთლიანად გააუქმა. თუმცა „სითი პარკის“ უკანონო ქმედებები ნერვების მოშლად და სასამართლოში სირბილის ფასად დამიჯდა. თავად „სითი პარკს“ 5-ჯერ მივმართე, წარვუდგინე გადახდის ქვითარები, მაგრამ არცერთი მიმართვა ყურად არ იღო. მერიამ ნაწილობრივ კი გაითვალისწინა, მაგრამ დანარჩენი თანხის გადახდაც არ მეკუთვნოდა. ვარჩიე, ჩემი სიმართლე სასამართლოში დამემტკიცებინა და აგერ, მერიასაც და „სითი პარკსაც“ მოუგე პროცესი. ცხადია, მე ერთადერთი არ ვარ, ვისაც ეს კომპანია უსამართლოდ მოექცა ან ექცევა, მაგრამ ყველას ხომ არ შეუძლია სასამართლოში სირბილი? სადაც გაუვათ _ გაუვათ, რა ენაღვლებათ, 27 ნოემბრის შემდეგ დავდევ მერიას და „სითი პარკს“. წასვლა, წამოსვლა, რეკვები, შენც არ მომიკვდე, არცერთი არაფერს ითვალისწინებდა. თქვენი სააგენტოს მეშვეობით მინდა მივმართო ყველას, ვისაც ანალოგიური პრობლემა აქვს, რომ აუცილებლად მიმართონ სასამართლოს. 100% დან, 100% იანი მოგებული საქმეა და არ აპატიონ ამ ორგანიზაციას და მერიას მსგავსი უკანონობები. ბოლომდე მიიყვანონ სიმართლისთვის ბრძოლა. ამგვარად, იქნებ ისწავლონ ჭკუა და კომპანიამ, ანალოგიურ სიტუაციაში თავი აღარ ჩაიგდოს. აუცილებლად მიმართეთ სასამართლოს, რადგან სხვა ბერკეტი არ არსებობს მათ შესაჩერებლად.
„ფოსტალიონი“ ულოცავს ბატონ მამუკა მჭედლიშვილს გამარჯვებას, უერთდება მის პათოსს და მკითხველს ურჩევს, მიბაძონ მას. ყველა მსგავს უკანონობას დაუპირისპიროს სამართალი, კანონი და იმ ზარალის ანაზღაურებაც მოითხოვონ, რომელიც ასეთი კომპანიების გამო მიადგათ.
წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close