„დუკანის დიეტამ“ მსოფლიო დაიპყრო
„დუკანის დიეტამ“ მსოფლიო დაიპყრო. ჟიზელ ბუნდჰენი, პენელოპა კრუზი, ჯენიფერ ლოპესი და კიდევ უამრავი ვარსკვლავი „დუკანს“ ირჩევს. თავად პიერ დუკანი კი 74 წლის არის და ამბობს, რომ ასაკთან შედარებით ახალგაზრდულად სწორი კვების წყალობით გამოიყურება.
საინტერესოა ექიმ პიერ დუკანის ყოველდღიური მენიუ და მისი კვების რეჟიმი. OK!-ი ექსკლუზიურად გთავაზობთ დუკანის დღის რაციონს.
დიახ, დიეტა არ მჭირდება, მაგრამ ჩემი კვების ფილოსოფიას არასოდეს ვარღვევ. ამ ფილოსოფიის თანახმად, მთავარია ჩვენს რაციონში შედიოდეს ცილები და რთული ნახშირწყლები: ხორცი, თევზი, ქათამი, ბოსტნეული. ჩემი დილა უშაქროდ იწყება – მივირთმევ 2 ცალ შვედურ გალეტს, უსაფუარო ხრაშუნა თხელ კვერებს, 40 გრამ ნატურალურ ნაკლებცხიმიან ყველთან ერთად. როცა ცოტა უფრო მშიერი ვარ და ეს ულუფა არ მანაყრებს, ერთ ვაშლსაც ვამატებ. სადილზე უამრავ უმ ბოსტნეულს გეახლებით – ვამატებ ცოტა ბალზამირებულ ძმარს და ძალიან ცოტა ზეთს. ჩემი სადილის მენიუში შედის თევზი ან საქონლის ხორცის გუფთა. ჩემი დესერტია გრეიფრუტი ან ვაშლი. ვახშმად იაპონურ სამზარეულოს ვირჩევ – სუშის ან საშიმის. მივირთმევ პასტას ზღვის პროდუქტებით ან ქათმის ხორცს ოსპის სალათით. ჰო, ვახშმად დესერტიც მიყვარს – კვერცხის დესერტი „მოცურავე კუნძული“ და ბოლოს ერთი-ორი ნატეხი შავი შოკოლადი.
