საინტერესო

დაფიქრებულხარ, რას განიცდის შენი მშობელი? ჰოდა, დაფიქრდი! დანარჩენი შენთვის მომინდია!

არის მომენტები, როცა მშობლები და შვილები ერთმანეთისთვის გაუგებარ ენაზე საუბრობენ. შვილი ფიქრობს, რომ დედას მისი არ ესმის, დედა ფიქრობს, რომ შვილს დედის გაგება არ შეუძლია.

სანამ დედის წინაშე ტონს აუწევ და უხეშად დაელაპარაკები, დაფიქრდი, რა გაუკეთებია დედას შენთვის?!

დავიწყოთ შენი ჩასახვის მომენტიდან… ვინ იცის ,როგორი ორსულობა ქონდა დედას, მაგრამ ყოველთვის ეფერებოდა თავის მუცელს, რომელიც თანდათან იბერებოდა და შიგნით მყოფი შენი პატარა ნაყოფი ფეხების მოძრეაობებსაც ახშირებდა.

ის რომ დედამ გაგაჩინა, ვალია, რომელსაც ვერასდროს გადაუხდი და რის გადახდასაც დედა არასდროს გთხოვს.

შენი ჩახუტების პირველი წამიდან დაივიწყა დედამ ყველა სამშობიარო ტკივილი, ყველა გადატანილი სტრესი და ცხელი ტუჩებით დაგიკოცნა პატარა შუბლი.

მნიშვნელობა არ აქვს, ჭირვეული პატარა იყავი თუ არა, დედა ყოველ ღამით იღვიძებდა მაშინ, როცა შენ განაბულს გეძინა… დედა იდგა შენს საწოლთან, გლოცავდა და რამდენიმე წუთით სიყვარულიანი თვალებით გიყურებდა მძინარეს.

დედა იყო ვინც პირველი ნაბიჯების გადადგმაში გეხმარებოდა და ამ დაუვიწყარი კადრების აღბეჭვდას სამუდამოდ ცდილობდა საკუთარ გონებაში. დედა იყო ის, ვინც ყველაზე მეტად ნერვიულობდა როცა მიდიოდი საბავშვო ბაღში, ყოველდღე ეკითხებოდა მასწავლებელს საჭმელი თუ ჭამე, რამე ხო არ იტკენე, სხვა ბავშვებმა ხომ არ დაგჩაგრეს.

დედა იყო, რომელიც ყველაზე მეტად ნერვიულობდა, როცა პირველად მიდიოდი სკოლაში. დედა გიკოცნიდა დაცემისას გადატყავებულ მუხლებს, მომტვრეულ ცხვირს… დედა ტიროდია მაშინ, როცა იცოდა შენი ტკივილი.

ახლა შენ, როცა დედის ნათქვამი რაიმე სიტყვა არ მოგეწონება და უხეშად პასუხობ, გულს ტკენ, დაფიქრებულხარ, რას განიცდის შენი მშობელი? ჰოდა დაფიქრდი! დანარჩენი შენთვის მომინდია!

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close