ვაშინგტონ პოსტის ჟურნალისტმა, ეშლი პარკერმა, კვირიკაშვილისა და პენსის ერთობლივ პრესკონფერენციაზე, ამერიკის ვიცე-პრეზიდენტს ჰკითხა, დაიცავდა თუ არა აშშ საქართველოს, რუსეთის თავდასხმის შემთხვევაში:

რუსეთის საპასუხო ნაბიჯები, ის რომ, მაგალითად, რუსეთმა გადაწყვიტა, 100 000 სამხედრო მოსამსახურე გაეგზავნა ნატოს საზღვრებთან წვრთნების ჩასატარებლად, თქვენი რეაქცია ამაზე რა იყო? და თქვენ ასევე ბრძანეთ, რომ მხარს უჭერთ საქართველოს სწრაფვას ნატოსკენ. თქვენი აზრით, დაიცავს ამერიკის შეერთებული შტატები საქართველოს რუსეთის თავდასხმის შემთხვევაში?

აღნიშნულ კითხვას პენსმა ასეთი პასუხი გასცა:

“დიდი მადლობა ამ კითხვისთვის. პრეზიდენტმა ტრამპმა გამომგზავნა აღნიშნულ ტურნეში, რათა ნათელი გზავნილი მიმეტანა ბალტიის ქვეყნებისთვის, მონტენეგროსა და საქართველოსთვის, რომ ამერიკის შეერთებული შტატები მხარში უდგას მშვიდობის მოყვარე ქვეყნებს და ჩვენ ამას არ მხოლოდ სიტყვიერად, არამედ ქმედებებით ვამტკიცებთ. პრეზიდენტმა ხაზი გაუსვა, რომ ამერიკული კონტინგენტი თვალნათლივ ასახავს, რომ ჩვენ ერთგულნი ვართ ჩვენი ვალდებულებების.

რაც შეეხება რუსეთის მხრიდან 100 000-იანი რუსული კონტინგენტის გადასროლას, ეს კიდევ ერთი დადასტურებაა იმისა, რამდენად მნიშვნელოვანია ნატოს პარტნიორები ერთ პოზიციაზე იდგნენ. მე და ტრამპს გვჯერა, რომ რუსეთთან უკეთესი ურთიერთობა შესაძლებელია, მაგრამ ორ ქვეყანას შორის მოლაპარაკებები ყოველთვის იწყება თითოეული პარტნიორის პოზიციების აღიარებით.”

ამერიკის ვიცე-პრეზიდენტი მაიკ პენსი საქართველოს გუშინ ეწვია. როგორც მან დღეს პრესკონფერენციაზე განაცხადა, ამერიკა მზად არის, კიდევ უფრო დავუახლოვდეს საქართველოს.

on.ge

დატოვეთ კომენტარი

კომენტარები