კულინარია

დაბალკალორიული ნამცხვარი კარაქისა და კვერცხის გარეშე

კვირა 12:00 29.05.2016

დაბალკალორიული ნამცხვარი კარაქისა და კვერცხის გარეშე

დაბალკალორიული ნამცხვარი კარაქისა და კვერცხის გარეშე

ავტორი: ნელი თორდია
მათთვის, ვინც ყოველ დილას სასწორზე შედგომით იწყებს და კალორიებს კალკულატორით ითვლის, არაჟნის ნამცხვარი, რომელსაც არ  სჭირდება კარაქი და კვერცხი, ნამდვილ აღმოჩენად იქცევა.

შემადგენლობა:

შაქრის პუდრა – 1 ჩაის ჭიქა,

ფქვილი – 2 ჩაის ჭიქა,

არაჟანი – 2 ჩაის ჭიქა,

სოდა – 1 ჩაის კოვზი,

კაკაო – 2 სუფრის კოვზი,

ვანილი – დანის წვერით,

შავი შოკოლადი – 100 გრ.

მომზადების წესი:

1 ჭიქა არაჟანი და შაქრის პუდრა მიქსერით კარგად ათქვიფეთ. დააყარეთ ერთმანეთში არეული სოდა და ფქვილი და მოზილეთ ცომი. გაყავით ორ ნაწილად. ერთ ნაწილს დაამატეთ კაკაო. თითოეული ცომის გუნდა კიდევ ორ ნაწილად უნდა გაყოთ და ჰაერღუმელში, დაბალ ცეცხლზე გამოაცხოთ. გამოვა ორი თეთრი და ორი შავი ფენა. 1 ჭიქა არაჟანი და ვანილი კარგად ათქვიფეთ. წაუსვით გაგრილებულ ფენებს და ერთმანეთზე დააწყვეთ. დაბოლოს, შავი შოკოლადი დატეხეთ, წყლის აბაზანაზე ან მიკროტალღურ ღუმელში გაადნეთ და მზა ნამცხვარს ზემოდან მოასხით.

შენიშვნა:

გაითვალისწინეთ, რომ ნამცხვრის ფენები ძალიან თხელი გამოვა და ეცადეთ, არ დაამტვრიოთ.

წყარო funtime.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close