საზოგადოება

გლეხები დახმარებას ითხოვენ _ მოსავალს “აზიური ფარვანა” შეესია

აბაშელების თხილის ბაღებსა და სიმინდის ყანებს მავნებელი მწერი – “აზიურიფარვანა” შეესია. ადგილობრივები განადგურებულ მოსავალსა და ხელისუფლების უმოქმედობაზე საუბრობენ. ისინი ასევე ამბობენ, რომ მწერი, რომელიც მოსავალს შეესია, სახლებშიც შედის. ადგილობრივების თქმით, მოსავლის განადგურებისა და არაერთი მიმართვის მიუხედავად, პრობლემით არც ადგილობრივი და არც ცენტრალური ხელისუფლება ამ დრომდე არ დაინტერესებულა. აბაშელებს მთავრობის დახმარების იმედი გადაწურული აქვთ. ყვებიან, რომ მწერის შემოსევის ფაქტი ადრეც იყო, თუმცა რეაგირება სურსათის უვნებლობის ეროვნული სააგენტოსგან არც მაშინ მოყოლია.

აზიური ფარვანა საქართველოში პირველად გასულ წელს გამოჩნდა. მისი შეწამვლის ვალდებულება სურსათის უვნებლობის სამსახურს აქვს. ამისთვის ბიუჯეტიდან და საერთაშორისო დონორი ორგანიზაციებიდან 13 მილიონი ლარია გამოყოფილი. მოსახლეობის პრეტენზიები გაუგებარია სოფლის მეურნეობის სურსათის უვნებლობის ეროვნული სააგენტოსთვის. ზურაბ ლიპარტიას განმარტებით, დასავლეთ საქართველოში თხილის ნერგები მუდმივად იწამლება და წელსაც ასეთი უკვე 51 ათასი ჰექტარია. შეწამვლის მიუხედავად, რატომ ნადგურდება თხილის მოსავალი, უწყებაში ამ კითხვაზე პასუხი არ აქვთ.

ხელისუფლება აბაშის რაიონის სოფელ კეთილნარში მცხოვრებლების დახმარებას ჯერჯერობით არ აპირებს. აქ ზარალის ზუსტი ოდენობის დადგენაც შუძლებელია, რადგან გლეხების ბედით, არც ადგილობრივი მთავრობა ინტერესდება. მოსავლის ნაწილის გადარჩენას ადგილობრივები წელსაც საკუთარი ძალებით შეეცდებიან.

დატოვეთ კომენტარი

კომენტარები

მსგავსი სიახლეები

5 Comments

  1. 653202 139961Once I originally commented I clicked the -Notify me when new feedback are added- checkbox and now every time a remark is added I get four emails with the same comment. Is there any means you possibly can remove me from that service? Thanks! 90085

Leave a Reply

Your email address will not be published.

Back to top button
Close