საინტერესო

“გივის ყველაფერი ეპატიება საქართველოში” _ ძალიან სასაცილო კურიოზი გივი ბერიკაშვილის ცხოვრებიდან

სოციალური ქსელის ერთ-ერთი მომხმარებელი ძალიან სახალისო ამბავს აქვეყნებს, რომელიც  გივი ბერიკაშვილს შეემთხვა:

 

“მსახიობი, ავთო მიქაძე, ამ ამბავს ხშირად ყვებოდა:

ერთ დღეს მარჯანიშვილის თეატრის წინ ვდგავარ და ამხანაგს ვესაუბრები „გაზ-24“-ზე მიყუდებული. მოვარდა ინსპექტორი (როგორც ჩანს, სულ ახალი იყო).

– რატომ დგას აქ მანქანა? – მომე საბუთები! – მომმართა მკაცრად.

– არ მაქვს თან, სახლში დამრჩა-მეთქი, – ამოვიოხრე.

– არ გაქვს ხომ? – ძალიან კარგიიი! ახლა მიყურე, ჩაიჩოქა მანქანის წინ,
ნახევარი საათი იწვალა და ოფლში გაღვრილმა ძლივს მოხსნა მანქანის წინა ნომერი.

– წინა რომ მოხსენი, უკანათი ვერ ივლის მანქანა? – გავაკრიტიკე! – დაუჯდა ჭკუაში, ახლა უკან ჩაიჩოქა, გასავათდა, მაგრამ მოხსნა ისიც.

– ახლა ამ ნომრებს მე წავიღებ და მომაკითხავ იქ! – მეუბნება ნიშნისმოგებით.

– სად, იქ?

– ავტოინსპექციაში.

– რატომ?

– რა რატომ?

– რატომ უნდა მოგაკითხო ავტოინსპექციაში?

– აბა, ნომრები არ გინდა?

– ეს ჩემი მანქანა არაა.

– რააა?! – ფერი დაკარგა ინსპექტორმა და შეხედა, როგორ გამორბოდა თეატრის შენობიდან გივი ბერიკაშვილი.

– რას შვები, კაცო, შენა! – გაგიჟდი? – ახლავე მიაკარი ნომრები ჩემს მანქანას!

– თქვენია, ბატონო გივი? ბოდიში, ახლავე – ჩაიჩოქა ინსპექტორმა და ნომრების მიმაგრებას შეუდგა. აი, ასეა – გივის ყველაფერი ეპატიება საქართველოში.“

დატოვეთ კომენტარი

კომენტარები

მსგავსი სიახლეები

2 Comments

  1. 934862 168118I think this web web site has got extremely wonderful indited written content material articles . 297578

Leave a Reply

Your email address will not be published.

Back to top button
Close