გია მაისაშვილის ცხედარს საქართველოში ხვალ ჩამოასვენებენ

ქართველი ეკონომისტის, პოლიტიკოსის გია მაისაშვილის ცხედარს ამერიკის შეერთებული შტატებიდან საქართველოში ხვალ ჩამოასვენებენ. ამის შესახებ 1tv წერს.

​როგორც გარდაცვლილის ძმამ, ანზორ მაისაშვილმა განაცხადა, გია მაისაშვილის ცხედარს სამშობლოში 5 მარტს, გამთენიისას 04:30 საათზე ჩამოასვენებენ და თბილისის საერთაშორისო აეროპორტიდან სიონის საკათედრო ტაძარში გადაასვენებენ.

მაისაშვილს 6 მარტს, კოსტა ხეთაგურის 7 ნომერში მდებარე წმინდა ნიკოლოზის ეკლესიის ეზოში დაკრძალავენ.

პოლიტიკოსი და ლიდერთა სკოლის დამფუძნებელი გია მაისაშვილი 56 წლის ასაკში, 26 თებერვალს გარდაიცვალა. 

imedinews.ge

დატოვეთ კომენტარი

კომენტარები