საზოგადოება

გერმან გრეფი ბანკების გაქრობას პროგნოზირებს

შერინგულმა ეკონომიკამ გარკვეული დროის შემდეგ შესაძლოა ბანკების დახურვა გამოიწვიოს-განაცხდა რუსული „სბერბანკის” პრეზიდენტმა გერმან გრეფმა.

მისი აზრით, 3-5 წლის განმავლობაში საფინანსო სექტორს ელოდება დიდი ტრანსფორმაცია.
„ჩვენ ახლა განვიხილავთ ე.წ. საშერინგო ეკონომიკას ანუ მოთხოვნის ეკონომიკას და ის შეცვლის ბევრ ჩვეულ სექტორს და დარგს” – მიიჩნევს გრეფი.
მისი მოადგილე, “სბერბანკის” ვიცე-პრეზიდენტი ანდრეი შაროვი, დაეთანხნა გრეფს და დააზუსტა, რომ 2026 წელს ტექნოლოგიების განვითარების გამო ბანკები გაქრებიან.
„ვშიშობ, რომ 10 წელიწადში ბანკები აღარ იქნება და მე დავრჩები უმუშევარი” – აღნიშნა მან.
უკვე დღეს სწრაფად ვითარდება ტექნოლოგიები, რომლის მეშვეობითაც შესაძლებელი იქნება სესხის აღება ყოველგვარი შუამავალის გარეშე, რომლის როლსაც ამჟამად ასრულებენ ბანკები.
შერინგულმა ეკონომიკამ უკვე დაამტკიცა თავისი სიცოცხლისუნარიანობა ტაქსის სერვისში – მძღოლს არ უწევს კლიენტის ადგილამდე მიყვანის შემდეგ დაბრუნება „წერტილზე” ახალ შეკვეთამდე.
ახალი ტექნოლოგიების მეშვეობით ტაქსი მოდის რამდენიმე წუთში რის გამოც მოგზაურობა იაფდება.
ექპერტების შეფასებებით, ეს დარგი იზრდება წლიური 20-25%-ით.
შერინგული ტექნოლოგიების განვითარების პარალელურად იცვლება დაკრედიტების პროცედურაც.
თუმცა, ცნობილი რუსი ექპერტის და ბროკერის სერგეი ხესტანოვის აზრით, შერინგის განვითარების გამო საბანკო სისტემის სრული რეორგანიზაცია 3-5 წელიწადში – უფრო ფანტასტიკის სფეროა, ვიდრე რეალობა.
„საფინანსო სექტორი ძალიან კონსერვატიულია, გარდა ამისა, ბევრია დამოკიდებული რეგულატორის პოზიციაზე” – მიიჩნევს ხესტანოვი.
„ შერინგული ეკონომიკა” – არის მოთხოვნაზე დაფუძნებული ეკონომიკის მოდელი, როდესაც  ფიზიკურ პირებს შეუძლიათ იქირაონ ან ითხოვონ ქონება , რომელიც სხვას ეკუთვნის. ეს მოდელი გამოიყენება მაშინ, როდესაც კონკრეტული აქტივის ფასი ძალიან მაღალია.
წყარო daijesti.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close