საზოგადოება

გერმანია ქართველი კრიმინალური დაჯგუფებების საფრთხის არსებობის გამო საქართველოს ვიზალიბერალიზაციის წინააღმდეგია

გერმანიის  მთავრობა ეწინააღმდეგება უვიზო რეჟიმის ამოქმედებას  საქართველოს, უკრაინისა და კოსოვოს მიმართ. განსაკუთრებით პრობლემურია საქართველო, ვინაიდან ამ ქვეყნიდან შემოსული კრიმინალური დაჯგუფებები მონაწილეობენ ბინების და მოქალაქეების ძარცვასა და ქურდობაში და ამ მხრივ, მინისტრის განცხადებით, ბოლო დროს განსაკუთრებული პრობლემები შექმნეს ქართველმა კრიმინალებმა და ამან გამოიწვია ვიზის ლიბერალიზაციის საკითხის მიმართ წინააღმდეგობა – ამის შესახებ გერმანული  გამოცემა Die Welt  წერს.

ბერლინში შიშობენ, რომ უვიზო მიმოსვლის დაწესება ამ ქვეყნებისთვის გაზრდის თავშესაფრის მაძიებლების რაოდენობას გერმანიაში, რადგან უკვე დაფიქსირდა გასულ წლებში ასეთი მასობრივი რაოდენობა აპლიკანტებისა დასავლეთ ბალკანეთის ქვეყნებიდან, როცა უვიზო მიმოსვლა დაწესდა მათთან მიმართებაში.

გამოცემის თქმით,  მომავალ კვირას იუსტიციისა და შინაგანა საქმეთა მინისტრები ევროკავშირის საბჭოში საქართველოსთვის ვიზის ლიბერალიზაციის დაწესებას არ დათანხმდებიან, რის გამოც პრობლემები შეიქმნება როგორც ბრიუსელში, ისე აღმოსავლეთ პარტნიორობის ქვეყნებში.

როგორც გამოცემა აღნიშნავს,  გერმანიის ფედერალური მთავრობა მომხრეა, რომ  ვიზალიბერალიზაციის პროცესი ეტაპობრივად მოხდეს.

წყარო mediaclub.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close