დღეს ვატიკანი ცდილობს ერთად აიღოს ის, რასაც ადრე იღებდა ცალობით. ვატიკანმა უკვე „გადაყლაპა“ მთელი კონფესია უკრაინაში.

 „უკრაინის ავტოკეფალური მართლმადიდებელი ეკლესია“ და მზად არის დაიქვემდებაროს სხვა ადგილობრივი კონფესიებიც, პაპი ჯერ იცდის, თანდათანობით არაფორმალურად იბირებს მათი მრევლის სულ უფრო და უფრო დიდ ნაწილს, რათა დროთა განმავლობაში გააფორმოს საკუთარი ძალაუფლება მათზე. დღეისათვის მოსკოვის საპატრიარქოს უკრაინის მართლმადიდებელი ეკლესიის რიგებში იმყოფება რომის პაპის ფაქტობრივ მომხრეთა მეოთხედი ნაწილი, მათ შორის სასულიერო პირებშიც და ეპისკოპატშიც.

ისინი გამოდიან კათოლიკური კალენდრის შემოღებისთვის, მარხვათა მოსპობის ან შემცირებისთვის, ტოლერანტობის იდეებით სოდომისა და ეკუმენიზმისადმი, რითაც გამოირჩევა დღეს კათოლიკური ეკლესია.

ვატიკანი „მუშაობს“ არა ერისკაცებთან არამედ სასულიერო სასწავლებელთა სტუდენტებთან, რომელთაც შანსი გაუჩნდათ უფასოდ ისწავლონ ვატიკანის სასწავლებელში. მავანთა დახმარებით, საქართველოშიც თავგამოდებით ცდილობენ, თავიანთ მხარეს გადაიბირონ ქართველი მართლმადიდებლები, პაპისტები შეუდგნენ საქართველოს მთელი მართლმადიდებელი ეკლესიის რადიკალურ გადაკეთებას, მის ორიენტირებას რომის პაპთან ეკუმენისტური დაახლოების მიზნით.

 ძნელი წარმოსადგენია რა ძალის ზეწოლა უნდა განხორციელებულიყო საქართველოს კონსერვატულ პატრიარქზე და მის ეპისკოპატზე, რომლებმაც მნიშვნელოვანი როლი ითამაშეს „მსოფლიო“ კრებაზე გატანილი ზოგიერთი საკითხის ჩაშლაში, რომ ესოდენი თავაზიანობით შეხვედროდნენ პაპ ფრანცისკს.

კავკასიური მოგზაურობის დასასრულს, თვითმფრინავში მიცემულ ინტერვიუში პაპმა ფრანცისკმა მიანიშნა, თუ როგორ შეეცდებიან საქართველოს ეკლესიის დაპყრობას – „ერთმანეთისთვის ლოცვა ეს არის ყველაზე მთავარი.

შემდეგ, ერთობლივი მუშაობა. ჩვენ ერთად ვმუშაობთ ღარიბთათვის, არსებობს უამრავი სხვადასხვა პრობლემა და რატომ არ უნდა ვითანამშრომლოთ ერთად მათი გადაწყვეტისთვის?“ აქ აღნიშნულია ორი მომენტი. პაპისთვის მნიშვნელოვანია მართლმადიდებლურ ტაძრებსა და მართლმადიდებლურ ღონისძიებებზე კათოლიკე ქსენძების მუდმივი დასწრება. ანუ კანონით აკრძალული ერთობლივი ლოცვის დამკვიდრება მწვალებლებთან და სხვაგვარად მორწმუნეებთან და კიდევ ქველმოქმედება, რომლის მომიზეზებით პაპისტები ხშირად ახორციელებდნენ და ახორციელებენ პროზელიტიზმს.

ორივე მიმართულებით პაპისტებმა „შედეგიანად“ იმუშავეს უკრაინაში. საქართველო დღეს აშშ-ს და ევროკავშირის პროტექტორატია და საქართველოს ეკლესია იმყოფება ძალზედ მძიმე სიტუაციაში და სავარაუდოდ დასავლეთის ზეწოლა კიდევ უფრო გაძლიერდება. ვატიკანი ახლა განსაკუთრებულ ყურადღებას აქცევს კავკასიას, როგორც სტრატეგიულად მნიშვნელოვან რეგიონს, სადაც რუსეთს სამხრეთის მხრიდან შეიძლება შეექმნას სერიოზული პრობლემები. სომხეთის კონფესიის დაპყრობაში ვატიკანმა სამწუხაროდ მიაღწია წარმატებას.

სომხეთში პაპის ტრიუმფალური ვიზიტის წინააღმდეგ საერთოდ არავინ გამოსულა, თუმცა ეს ვიზიტი აშკარად საწინააღმდეგო იყო სომხური საეკლესიო კანონების. პაპი ფრანცისკი აზერბაიჯანსაც ეწვია თუმცა მუსლიმური აზერბაიჯანი ვატიკანის პოლიტიკისთვის ისე მნიშვნელოვანი არ არის, როგორც საქართველო და სომხეთი. აზერბაიჯანში პაპისტებს არაფერი უთქვამთ „ქრისტიანთა ერთობაზე“, როგორც ეს იყო საქართველოში ან უკრაინაში. აქ რომის პაპი არიგებს დაპირებებს აზერბაიჯანის მთავრობა „ჩაამონტაჟოს“ დასავლურ სამყაროში ადგილობრივი მოსახლეობის მიერ ლიბერალიზმის იდეოლოგიის მიღების გზით, რისთვისაც ითხოვს უარის თქმას განთქმულ „ფუნდამენტალიზმზე“

…იეზუიტების სიცრუე და პირმოთნეობა ყოველგვარ ზღვარს სცილდება. ვატიკანში იუწყებოდნენ, რომ საქართველოში პაპ ფრანცისკის ჩასვლა მოხდებოდა დევიზით „მშვიდობა თქვენდა“იტალიური იეზუიტური ჟურნალის რედაქტორი ანტონიო სპარადო თავის წერილში აღნიშნულ ვიზიტთან დაკავშირებით ამბობდა, რომ „რომის პაპი არ აპირებს პოლიტიკური საკითხების წამოწევას, ეს ვიზიტი ჩაივლის შერიგების ნიშნით“ და ახალი ეტაპი გახდება ფრანცისკის „მოწყალების დიპლომატიისა“.

მაგრამ, როდესაც უყურებ „ძმა ფრანცისკის“ ყველა ნაბიჯს, სახარება გახსენდება „როცა იტყვიან მშვიდობა და უშიშობაო, სწორედ მაშინ დაატყდებათ თავზე სიკვდილი“ (თესალონიკ 5:3) პაპს ბრწყინვალედ ესმის ოჯახის ინსტიტუტის ეტაპობრივი განადგურების მნიშვნელობა. ამიტომაც ჰომოსექსუალისტების მხარდაჭერა მოზომილად გაისმა.

 როდესაც მოცემულ ვიზიტის ფარგლებში მას ჰკითხეს ჰომოსექსუალისტებისადმი მისი დამოკიდებულების შესახებ, მან უპასუხა – „თუკი ასეთი მიდრეკილებების მქონე ადამიანი წარსდგება იესუს წინაშე, იესუ არ ეტყვის მას: წადი აქედან, იმიტომ რომ შენ ჰომოსექსუალისტი ხარ“…

მიმდინარე თვის დასაწყისში, რომის პაპმა ფრანცისკმა ვატიკანში მიიღო აშშ-ს სახელმწიფო მდივანი ჯონ კერი. რომელიც მონაწილეობას ღებულობს იტალიის დედაქალაქში მიმდინარე ფორუმში „ხმელთაშუაზღვის ქვეყნების დიალოგი“.

როგორც იუწყებიან ეს შეხვედრა შედგა თვით კერის დაჟინებული მოთხოვნით. როგორც ვატიკანის რადიო იუწყებოდა პაპის შეხვედრა კერისთან შედგებოდა ორი ნაწილისაგან. პირველი იყო ოფიციალური. მასმედიისა და საზოგადოებისათვის, ხოლო მეორე-არაოფიციალური .

ამ უკანასკნელ ნაწილში კერისა და პაპის მოლაპარაკება, რომელიც დახურულ კარს მიღმა გაიმართა „მოლაპარაკებათა ოთახში“ ნახევარი საათი გრძელდებოდა. მასმედიისა და საზოგადოებისთვის განკუთვნილი ოფიციალური ნაწილი ნაჩვენებია მოკლე სიუჟეტში, ეს არის კერის მისვლა პაპთან, უმნიშვნელო ოფიციალური ღონისძიება, ფოტოგრაფირება და დამშვიდობება პაპთან. მაგრამ, ეს საზოგადოებისთვის! როგორც ინსაიდერული წყარო იუწყება, იყო არაოფიციალური ნაწილიც.

იმის შემდეგ, რაც პაპი დაემშვიდობა კერის და მათ ოთახიდან გასვლისას ხელი ჩამოართვეს ერთმანეთს, კერი მიიწვიეს პაპის სპეციალურ „მოლაპარაკებათა ოთახში“, რომელიც დაცულია ყოველგვარი ელექტრონული მოსმენისაგან.

 სწორედ ამ ოთახში გაიმართა კერისა და პაპის საიდუმლო მოლაპარაკება. საუბრის დეტალები უცნობია, მაგრამ ოთახიდან კერის გამოსვლის შემდეგ ყველამ შენიშნა პაპის აღელვება და ისიც, რომ რაღაცით იყო დათრგუნული. ერთ–ერთ თავის უახლოეს თანაშემწესთან ერთად პაპი ვატიკანის საიდუმლო არქივში ჩავიდა სადაც რამოდენიმე საათი დაჰყო და იქიდან კიდევ უფრო დათრგუნვილი და აღელვებული ამოვიდა.

ამის შემდეგ ის მდივანთან ერთად კვლავ განმარტოვდა სპეციალურ ოთახში რაღაც საიდუმლო დოკუმენტის მოსამზადებლად. როგორც წყაროსთვის მოგვიანებით გახდა ცნობილი, პაპი ამზადებს“მოწოდებას ეპისკოპოსთა, მღვდელმსახურთა და ყველა მორწმუნე ერისკაცთამი“ ჯერ უცნობია ამ მოწოდების დეტალები, მაგრამ როგორც წყარო ირწმუნება , ეს იქნება 2017 წლის საშინელი სენსაცია, რომელიც შეაძრწუნებს მთელ დედამიწას და სრულიად შეცვლის მათ ცხოვრებას. ვარაუდობენ, რომ რომის პაპი ამ მოწოდებას გაავრცელებს იანვარში.

 არსებობს მოწოდების თემის რამოდენიმე გაუხმაურებელი ვერსია, მაგრამ ფაქტია რომ ის დაიბადა ჯონ კერისგან მიღებული ინფორმაციისა და პაპის მიერ ვატიკანის საიდუმლო არქივში ჩასვლის შემდეგ. ასე, რომ 2017 წლის დასაწყისში ახალ სკანდალურ სენსაციას უნდა ველოდოთ.

„საერთო გაზეთი“

ქეთევან ზარნაძე

დატოვეთ კომენტარი

კომენტარები