პოლიტიკა

,,გარედან დაფინანსებული “სპეციალისტები”, სრულ უაზრობას უწევენ პროპაგანდას”

,,კავკასიაში არსებული საქართველოს უდიდესი ავტორიტეტისგან, დღეს მხოლოდ ნაფლეთებია შემორჩენილი"

დასავლეთშიც კარგად ხედავენ თურქეთის კავკასიაში ინსპირირებული გააქტიურებისა და აზერბაიჯანთან
ალიანსის მიმართულებას! გასაოცარი ისაა, რომ კავკასიაში ერთ დროს უდიდესი ავტორიტეტის მქონე საქართველო, რომლის ავტორიტეტისგან დღეს მხოლოდ ნაფლეთებია შემორჩენილი, იდეოლოგიით ისე გამოთაყვანდა, რომ მისი ხელისუფლება და ე.წ. “ორიენტირებული” თითქოს ექსპერტები და სტრატეგიული კვლევის სფეროში მომუშავე, გარედან დაფინანსებული “სპეციალისტები” სრულ უაზრობას უწევენ პროპაგანდას:
ანკარა-ბაქო-თბილისის
რაღაც მითიური ხაზის შექმნა/გაძლიერებას, –
გასაგებია, ვის წინააღმდეგაც მიმართულს.
ეს პოლიტიკური სიბეცე სანამ უნდა გაგრძელდეს?!
სად პოლიტიკა და სად იდეოლოგიური მომსახურება?!
ერთი საღად მოაზროვნე ადამიანი თუ შეიძლება მოიძებნოს საქართველოში, რომელიც ამ ალიანსის რაიმე სარგებლობაზე შეძლებს საუბარს.
სამხრეთ კავკასიის სამ სახელმწიფოდან ერთის გარიყვა და მის წინააღმდეგ ალიანსის შექმნა…
ეს უკვე პოლიტიკა არ არის!
თუ ვინმე მეტყვის, ეს სომხეთის წინააღმდეგ კი არა, –
რუსეთის წინააღმდეგააო, – მით უარესი!
როცა პოლიტიკაში მყოფმა ადამიანებმა არ იციან პოლიტიკურ მოთამაშეებს რა წონითი კოეფიციენტები მიუყენონ, და “დიდი თამაშის” მონაწილეებიდან ერთის მხარეს დგებიან (100 წელიწადში უკვე მეორედ!), – შედეგი ის მოჰყვება, რაც 100 წლის წინ მოჰყვა.
ამიტომაც არის გახვეული ისტორია ამ პერიოდისა ზღაპრებში და სისულელეებში. ამ სისულელეებით რომ ირთობენ და ართობენ (უფრო სწორად, აბოლებენ) ხალხს.
დემურ გიორხელიძე, ექსპერტი

დატოვეთ კომენტარი

კომენტარები

მსგავსი სიახლეები

Back to top button
Close