გარდაბანსა და მარნეულში გიურზამ ორი ადამიანი დაკბინა
გარდაბანსა და მარნეულში შხამიანი ქვეწარმავლის მიერ ორი ადამიანის დაკბენის ფაქტი დაფიქსირდა. პაციენტებს შესაბამისი აცრა რუსთავის ცენტრალური საავადმყოფოს ანტირაბიულ კაბინეტში ჩაუტარდათ. ინფორმაციას სააგენტო “ინტერპრესნიუსი” ავრცელებს.
რუსთავის საზოგადოებრივი ჯანდაცვისა და უსაფრთხო გარემოს უზრუნველყოფის ცენტრის დირექტორის დავით ბეგაშვილის განცხადებით, პაციენტებს გიურზის ნაკბენი კიდურებზე ჰქონდათ, ანტიგიურზინის ვაქცინით აცრა ჩაუტარდათ და მათ სიცოცხლეს საფრთხე არ ემუქრება.
22 ივნისს, ცხოველთა მონიტორინგის წარმომადგენელმა, შოთა ზანდუკელმა, “მაესტროს” ეთერში ილაპარაკა, როგორ უნდა მოიქცეს მოქალაქე, თუ გველი უკბენს.
რაც შეეხება დედაქალაქში გიურზების მომრავლების შესახებ გავრცელებულ ინფორმაციას, ცხოველთა მონიტორიგნის სააგენტოში ამბობენ, რომ წელს გიურზის დაჭერის მხოლოდ 1 შემთხვევა იყო.
