პოლიტიკა

გამოიკვეთა თარიღები, როდესაც შეიძლება დაიწყოს რუსეთ-უკრაინის დიდი ომი

,,პუტინს უფრო და უფრო ეწურება დროის რესურსი"

შეიძლება ითქვას, რომ დღეს კიდევ უფრო გამოიკვეთა თარიღები, როდესაც შეიძლება დაიწყოს რუსეთ-უკრაინის დიდი ომი (თუ რა თქმა უნდა, პუტინი ამას გადაწყვეტს).
ერთის მხრივ, კრემლმა გამოაცხადა თარიღი – 20 თებერვალი, როდესაც მისი სიტყვებით, ჯარს გაიყვანს ბელარუსიდან (წვრთნების შემდეგ, რომელიც იგეგმება 10-20 თებერვალს).
მეორეს მხრივ კი, ხმელთაშუა ზღვიდან დაიწყო რუსული სადესანტო გემების შავ ზღვაში გადასროლის პროცესი – ცოტა ხნის წინ 6 რუსული გემიდან 3 დარდანელის სრუტეში შევიდა (როგორც რუკაზეა აღნიშნული, დანარჩენი სამი კი ხვალ შევა).
რამდენიმე დღე დასჭირდება მათ ყირიმთან მისვლას.
მესამე მხრივ კი, ასევე რამდენიმე დღეში დასრულდება დიპლომატიური მოლაპარაკებების პროცესი.
მეოთხეს მხრივ კი, დასრულდება უკრაინის საზღვრებთან რუსული ჯარის განლაგების პროცესი.
აი სწორედ მაგ დროიდან 20 თებერვლამდე დღეები შეიძლება იქცეს ყველაზე სახიფათო პერიოდად, როდესაც შეიძლება XXI საუკუნის ყველაზე მნიშვნელოვანი მოვლენა გათამაშდეს.
შეტევისა თუ უკანდახევის საბოლოო გადაწყვეტილებას კი პუტინი მიიღებს, რომელსაც სულ უფრო და უფრო ეწურება დროის რესურსი.
ზურა ბატიაშვილი, პროფესორი

დატოვეთ კომენტარი

კომენტარები

მსგავსი სიახლეები

Back to top button
Close