რელიგია | ისტორია

ბორჯომ-ბაკურიანის ყოფილი მეუფე ათონის მთაზე მიემგზავრება

ბორჯომის ტელევიზიის ინფორმაციით, სოციალურ ქსელში გავრცელდა მეუფე სერაფიმეს გაცილების ამსახველი ფოტო მასალა თბილისის სამების საპატრიარქოს ტაძრიდან, სადაც დღეს მიტროპოლიტმა სერაფიმემ პარაკლისი ჩაატარა. მასთან გამოსამშვიდობებლად დღეს თბილისში უამრავი ადამიანი გაემგზავრა. ისინი, ვისთვისაც ძვირფასი იყო მეუფის 21 წლიანი მოღვაწეობა ბორჯომ-ბაკურიანის ეპარქიაში.

მეუფე სერაფიმემ მასთან მისული მრავალრიცხოვანი მრევლი დალოცა და მადლობა გადაუხადა იმ სიყვარულისა და ერთგულებისათვის, რასაც იგი თითოეული მათგანისაგან ყოველთვის გრძნობდა.

20 სექტემბერს მეუფე სერაფიმე პატრიარქის ლოცვა კურთხევით ათონის მთაზე გაემგზავრება.

მკითხველს შევახსენებთ, რომ რამდენიმე თვის წინ, მეუფემ საკუთარი მოთხოვნით დატოვა ბორჯომ-ბაკურიანის ეპარქია. ამასთან დაკავშირებით ვრცელდებოდა უამრავი ჭორი, თუმცა სინამდვილე, დღემდე ცნობილი არ არის.  მეუფეს და მასთან დაახლოებულ ადამიანებს აღნიშნულ საკითხზე კომენტარი არ გაუკეთებიათ, ხალხი კი ამბობს, რომ მეუფეს, გარკვეულმა ძალებმა პროვოკაცია მოუწყეს.

წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close