ბორჯომში ბიჭებმა გოგონები თმებით ითრიეს

  ,,სამცხე-ჯავახეთის მედია ცენტრის” მედია-განყოფილების ჟურნალისტის ინფორმაციით, გენდერული კვირეულის 16 დღიანი კამპანიის ფარგლებში ,,სამცხე-ჯავახეთის მედია ცენტრი” (SJMC),  სამცხე-ჯავახეთსა და ქვემო ქართლში გარკვეულ აქტივობებს გეგმავს.

  პირველ დღეს აქცია გაიმართა ბორჯომში, მომდევნო დღეებში კი აპირებენ აქციების ჩატარებას სახელწოდებებით: ,, სახლი სადაც ძალადობას განიცდი სახლი არ არის“; ,,ადრეული ქორწინება ტვირთია“; ,,თანასწორობა ოჯახიდან იწყება“ .  ისინი ამბობენ, რომ ეს არის გზავნილები საზოგადოებისათვის, რომელსაც „ნარინჯისფერი ხელით“ 16 დღის განმავლობაში გაავრცელებენ. იგივე გზავნილები გამოჩნდა 25 ნოემბერის აქციაზე, რომლითაც ბორჯომის გენდერულმა კლუბმა აქციაზე ქალთა მიმართ ძალადობის წინააღმდეგ საკუთარი პოზიცია გამოხატა. აქცია Flashmob-ით დაიწყო, რომლის დროსაც ქართულ ცეკვას განსხვავებული დასასრული ჰქონდა. აქციაზე გენდერული კლუბის წევრებთან ერთად მოვიდნენ უფროსკლასელები, სტუდენტები, სხვადასხვა ასაკისა და პროფესიის წარმომადგენლები.

  16 დღიანი კამპანიის ფარგლებში, რეგიონული ტელეკომპანიების „ბორჯომის“, ახალციხის „მეცხრე არხის“, ნინოწმინდის „ფარვანა“-ს და  „მარნეულის“ ეთერში ქართულ, სომხურ და აზერბაიჯანულ ენებზე გავა დოკუმენტური ფილმები  რეგიონების წარმატებული ქალების ისტორიების შესახებ და თოქ-შოუები გენდერულ თემებზე.

წყარო postalioni.com