საზოგადოება

,,ბოლოს და ბოლოს სირცხვილია! ამის ჩამდენი ახლა დაპატიმრებული უნდა იყოს!”

შსს: შინაგან საქმეთა სამინისტროს გენერალურმა ინსპექციამ ვიდეომასალის გავრცელებისთანავე დაიწყო ფაქტის მოკვლევა

,,#1tv1 ში ვრცელდება პოლიციის მიერ შშმ პირის სასტიკი მოპყრობის ფაქტი, სამწუხაროდ, #შსს მ და #სახელმწიფო ინსპექტორმა გამოძიება სს კოდექსის 333 მუხლით დაიწყო, რაც არ არის სწორი, რაც ვიხილეთ ეს 144 (1 ან მინიმუმ 3) არის, ანუ ეს არის წამების მუხლი. ბოლოს და ბოლოს სირცხვილია! ამის ჩამდენი ახლა დაპატიმრებული უნდა იყოს!” _ მარიამ ჯიშკარიანი, წამების მსხვერპლთა ფსიქოლოგიური რეაბილიტაციის ცენტრ ,,ემპათიას” დირექტორი.
შს სამინისტროს განცხადებაში წერია:
შინაგან საქმეთა სამინისტრო, პირველ რიგში გმობს ნებისმიერი სახის ძალადობას, უწყებისთვის კატეგორიულად მიუღებელია პოლიციელის მხრიდან ნებისმიერი ძალადობრივი ქმედება, რომელიც შესაძლოა არღვევდეს ადამიანის უფლებებს.
მედიასაშუალებებში მიმდინარე წლის 24 იანვარს გავრცელდა თბილისის მეტროპოლიტენში გადაღებული ვიდეომასალა, სადაც პოლიციელის მხრიდან შესაძლო დანაშაულის ჩადენის ფაქტია ასახული.
შინაგან საქმეთა სამინისტროს გენერალურმა ინსპექციამ ვიდეომასალის გავრცელებისთანავე დაიწყო ფაქტის მოკვლევა, რომლის ფარგლებში მოპოვებული მასალები უკვე გადაუგზავნა სახელმწიფო ინსპექტორის სამსახურს.
სახელმწიფო ინსპექტორის სამსახურმა პოლიციელის მხრიდან ძალადობით უფლებამოსილების გადამეტების ფაქტზე გამოძიება სისხლის სამართლის კოდექსის 333-ე მუხლით დაიწყო.

დატოვეთ კომენტარი

კომენტარები

მსგავსი სიახლეები

Back to top button
Close