საზოგადოება

,,ბიზნეს სექტორი გამოდის ქუჩაში… ცხადდება ბოიკოტი და კვების ობიექტები წყვეტენ მუშაობას”

სამარცხვინოა ყველა ის ადამიანი, რომელიც ამ სიტუაციას თავის საკეთილდღეოდ გამოიყენებს.

დღეს, მრავალი წლის განმავლობაში, პირველად არის, მისი უდიდებულესობა სამოქალაქო
საზოგადოების ჩამოყალიბების მცდელობა!
არა კლუბებში დაბოლილი ზომბები, არა ნაციონალების რუპორი ქაჯები, არა ზონდერ წვრილფეხობა, არამედ სოლიდური, ბიზნეს სექტორი გამოდის ქუჩაში!
მე წლებია მიმყავს ბიზნეს-დაჯილდოების ცერემონიალი.
კარგად ვიცნობ იმ ადამიანებს, რომლებმაც ყოველდღიური, დაუღალავი შრომით, დადეს კონკურენტუნარიანი პროდუქტი და მისი წარმატებული ექსპორტი მოახდინეს.
მათ მრავალ, პრესტიჟულ კონკურსზე ასახელეს ჩვენი სამშობლო!
ეს ის ხალხია, რომლებმაც სანამ ფბ.ლომები თითებს იცვედნენ “კაკუნით” შექმნეს ქვეყნის დოვლათი,
უცხოელებს გააცნეს საქართველო, შემოიყვანეს ტურისტი, აჩვენეს ეკონომიკური ზრდის მაღალი კოეფიციენტი!
ღვინის კომპანიები, რესტორნები, ყველის კომპანიები, სასტუმროები, ხელნაკეთი ნივთების კომპანიები, მცირე და მსხვილი ბიზნეს სექტორი დღეს აპროტესტებს შერჩევით სამართალს, უნიათო გადაწყვეტილებებს და საკუთარი უფლებების უხეშ დარღვევას!
გავიხსენოთ, როგორ ვგულშემატკივრობდით ზურაბ პოლოლიკაშვილს, რომელიც მეორე ვადით აირჩიეს მსოფლიო ტურიზმის თავკაცად! ის მაღალი ტრიბუნიდან ცდილობს ჩვენი ქვეყნის პოზიციონირებას.
ჩვენი ზამთრის და ზაფხულის კურორტები, რომლებიც არ ჩამოუვარდება ევროპულ ანალოგებს, ჩვენი წყალი და ჩვენი საკვები, რომელიც არამატერიალური საგანძური გახდა!
ბიზნეს სექტორის უკან ათასობით ოჯახია, რომელიც ყოველდღიურ შემოსავალზეა დამოკიდებული.
დღეს ცხადდება ერთდღიანი ბოიკოტი.
კვების ობიექტები წყვეტენ მუშაობას.
სამარცხვინოა ყველა ის ადამიანი, რომელიც ამ სიტუაციას თავის საკეთილდღეოდ გამოიყენებს.
არანაირი პოლიტიკა!
არანაირი პოლიტიკოსები!
მხოლოდ ჯანსაღი სამოქალაქო პროტესტი-ესაა ჩემი მეგობრების მამოძრავებელი არგუმენტი!
ვისწავლოთ არგუმენტირებული კრიტიკის მიღება, რომლის გარეშეც წარმოუდგენელია დამოუკიდებელი, სამართლებრივი სახელმწიფოს ჩამოყალიბება!
ამ კრეატიულ, დაუღალავ, განათლებულ ქართველებზე დგას ქვეყნის სამომავლო განვითარება და კრიზისიდან ქვეყნის გამოყვანა!
P.S.არავინ გაბედოს სამოქალაქო სექტორის პოლიტიზირება და საკუთარი ურეიტინგო პარტიების გაპიარება!!!!
ლალი მოროშკინა, პროფესორი, ჟურნალისტი, პიარის სპეციალისტი

დატოვეთ კომენტარი

კომენტარები

მსგავსი სიახლეები

Back to top button
Close