ბექა ნათელაშვილი, ლეიბორისტული პარტიიდან მცხეთა-მთიანეთის მაჟორიტარი დეპუტატობის კანდიდატი, პარტიის საერთაშორისო მდივანი და ახალგაზრდული ფრთის ლიდერი:

_ ეს ხდებოდა დღეს, ნატახტარში და ასე ხდება მთელ საქართველოში პენსიის აღების დროს, გაუთავებელი რიგები, სიცხეში ან ყინვაში მდგარი პენსიონერები და არანაირი სოციალური დისტანცია.

საქართველოში, ჯამში 790 000-მდე პენსიონერი გვყავს და 400 000 პენსიონერს „ლიბერთი ბანკის“ საპენსიო სესხი აქვს გამოტანილი.

ტელეკომპანია იმედის მფლობელის, ირაკლი რუხაძის ბანკი სესხებს პენსიონერებისთვის 30–35%–ში გასცემს.

ანუ პენსიონერმა 2500 ლარიან სესხში, 4 წლის განმავლობაში 90 ლარი უნდა იხადოს პენსიიდან. საერთო ჯამში პენსიონერს 4320 ლარის გადახდა უწევს.

ლიბერთი ბანკს არ გააჩნია ბევრი ფილიალი, განიცდის ბანკომატების ნაკლებობას, აქვს დაბალი დონის მომსახურება და მაღალი პროცენტები სესხებზე. თუმცა, მიუხედავად ამისა წლებია უკვე წარმატებით თანამშრომლობს სახელმწიფოსთან, იმიტომ რომ მისი მფლობელი ფეხქვეშ ეგება ბიძინა ივანიშვილს.

პენსიონერს უნდა შეეძლოს თავის სურვილისამებრ შეარჩიოს ბანკი, საიდანაც უნდა აიღოს პენსია!

სესხებზე უნდა დაწესდეს საპროცენტო განაკვეთის ზედა ზღვარი და ის არ უნდა აღემატებოდეს 5-6 პროცენტს!

საპენსიო ასაკი უნდა გათანაბრდეს და გახდეს 60 წელი, როგორც მამაკაცებისთვის, ასევე ქალებისთვის.

პენსია უნდა გაორმაგდეს!

დატოვეთ კომენტარი

კომენტარები