საზოგადოება

ბანკის სესხის გამო ბორჯომში 7 სულიან ოჯახს ასახლებენ _ უსახლკაროთა რიცხვი იზრდება

იპოთეკით დაზარალებულთა საინიციატივო კავშირის თავმჯდომარე მამისა ჯაფარაშვილი „ფოსტალიონთან“ საუბარში აცხადებს, რომ მიუხედავად ხელისუფლების დაპირებისა, გამოსახლების პროცესი გრძელდება და იმდენი სააღსრულებო ფურცელი, რაც ამ ბოლო პერიოდში გაიცა, წლების განმავლობაში არ ყოფილა.
მამისა ჯაფარაშვილი:
„ხვალ ბორჯომში ასახლებენ მერი კასრაშვილის 7 სულიან ოჯახს, აქედან 3 მცირეწლოვანია. საქართველოს ბანკმა აუქციონზე გაიტანა მათი 3 ოთახიანი ბინა და მანანა და გია მარტყოფლიშვილებმა შეიძინეს 7 ათას ლარად. წარმოიდგინეთ, ბორჯომში 3 ოთახიანი ბინა 7 ათას ლარად გაიყიდა. ახლა კრედიტორები ასახლებენ ამ ოჯახს. გამოსახლება მოხდება ხვალ, 15 საათზე, რუსთაველის 71 ნომერში.
_ თუ იცით რას აპირებს ოჯახი?
_ გამოასახლებენ და მერე რომ შეტეხავენ ისევ საკუთარ ბინას და შევლენ, იფიქროს ხელისუფლებამ, რა უნდა ქნას 7 სულიანმა ოჯახმა, რომელსაც სხვაგან წასასვლელი არ აქვს? ჩვენ კრედიტორთან მოლაპარაკებასაც ვაწარმოებთ და ვნახოთ. საშინელი მდგომარეობაა. ამდენი აღსრულების ფურცელი არ გაცემულა იმ წლების განმავლობაში. რაც ამ საკუთხებზე მუშაობა დავიწყე, დაიწყო გამარტივებული აღსრულებები. მიაფრიალებენ ოჯახებიდან, თუ რაიმეს წაღება შეიძლება და ხალხი სულს ღაფავს.
_ როგორც ვიცით, „ნეტ კრედიტის“ წარმომადგენელს შეხვდით, რაზე ისაუბრეთ?
_ თანამშრომლობა შემოგვთვაზა. გვითხრა, რომ საქმის კურსში ჩავაყენოთ, მათგან მოსული კლიენტების პრეტენზიები გავაცნოთ და „ნეტ კრედიტი“ გადაამოწმებს კორექტორების და კლიენტის დამოკიდებულებას. გვითხრეს, რომ ჩაატარებენ მონიტორინგს.
წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close