საზოგადოება

ახალი ინფორმაცია ევროპაში უვიზო მიმოსვლასთან დაკავშირებით!

ევროპარლამენტი, ევროსაბჭო და ასევე ევროკომისია დღეს გამართულ საერთო შეხვედრაზე ევროკავშირში ვიზალიბერალიზაციის შეჩერების მექანიზმზე შეთანხმდნენ.

შედეგად საქართველოსა და უკრაინისათვის სავიზო რეჟიმის ლიბერალიზაციის საკითხზე პარლამენტი მომავალ კვირას იმსჯელებს. ინფორმაციას ამის შესახებ ევროპარლამენტარი კატი პირი ავრცელებს.საუბარია იმაზე, რომ თუ ევროკავშირის წევრ სახელმწიფოს 6 თვის განმავლობაში შეექმნება გარკვეული სახის პრობლემები, რომლებიც მესამე ქვეყნის მოქალაქეებს უკავშირდება და ამ პრობლემებს თავად ვერ გაუმკლავდა, უფლება ექნება, მიმართოს ევროპულ კომისიას თხოვნით, რომ მესამე ქვეყნისთვის უვიზო რეჟიმის მოქმედება დროებით შეაჩეროს. თუ ევროკომისია ევროკავშირის წევრი სახელმწიფოს მოთხოვნას დააკმაყოფილებს, მესამე ქვეყანასთან უვიზო რეჟიმი 6 თვის ვადით შეჩერდება.
ევროკავშირთან სავიზო რეჟიმის გაუქმების შემთხვევაში, საქართველოს მოქალაქეები თავისუფლად იმოგზაურებენ შენგენის ზონაში და შენგენის 4 კანდიდატ ქვეყანაში – რუმინეთში, ბულგარეთში, ხორვატიასა და კვიპროსში, ასევე უვიზოდ მიმოსვლა შესაძლებელი იქნება ისლანდიასთან, ლიხტენშტეინთან, ნორვეგიასა და შვეიცარიასთან. საქართველოს მოქალაქეებს ვიზა დასჭირდებათ დიდ ბრიტანეთსა და ირლანდიაში ჩასასვლელად.

წყარო pia.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close